黃宗澤暗撻長腿妹陳嘉桓 男女主角咁回應…
前文提要：
黃宗澤媾女無難度
黃宗澤(Bosco)於13年在九龍城投資了四百多萬開蠔吧，開業後不時請圈中好友來擦蠔。Bosco去年與曾志偉未來新抱王敏奕合作《飛虎極戰》，被影到招呼王敏奕、陳瀅及糖妹到蠔吧飲酒，當晚王敏奕疑似因感情問題借酒澆愁，離開時要好姊妹扶實，黃宗澤被指向王敏奕大獻殷勤，想乘虛而入。
黃宗澤與陳嘉桓去年10月合作拍網劇《守護神》，一拍即合互生情愫，在女方的IG內可搵到二人的合照。
布拉格訂情
向來媾女無難度的黃宗澤，榮升蠔吧老闆更如虎添翼，雖然不愁冇女，仍是喜歡向圈中女星埋手。去年10月與陳嘉桓(Rose)合作拍網劇《守護神》，二人在布拉格拍外景時，原來已眉來眼去互有好感。
據知拍外景期間兩人有時會一齊走開去其他地方影相，又會一齊拎住手機傳短訊，一來一往咁又笑瞇瞇。不過佢哋有時又會專登玩避忌，去食飯同返酒店又前後腳咁，咁刻意反而仲惹人懷疑。
拍拖買家品
據悉返港後《守護神》繼續拍攝，黃宗澤亦終於將陳嘉桓追到手，二人為保形象早已有共識，把戀情低調處理，至今拍拖半年一 直密冚戀情，不過半個月前，有人目擊到沙田宜家傢俬拍拖買家品，當時二人並肩而行沒有拖手，但非常有默契，買完家品即前後腳閃。
蠔吧會情郎
最近黃宗澤未有劇開，趁空檔籌備即將在中港城擴充營業的新蠔吧，而陳嘉桓亦在睇劇本階段，準備下月投入網劇《反黑第二季》的拍攝，二人都咁得閒，當然要爭取見面時間。周一晚(25日)9時許，陳嘉桓獨自從銅鑼灣駕車過海到九龍城，陳嘉桓熟晒地形，先把車停泊在黃宗澤的蠔吧外，下車後先傳短訊給對方，然後慢慢行入蠔吧。據知黃宗澤近日忙於為新店試新菜式，陳嘉桓這晚入內後亦直奔蠔吧廚房，二人在內逗留了個多小時才離開。
晚上12時許，陳嘉桓率先步出蠔吧，頭也不回上自己車離開，相隔唔夠十秒，黃宗澤亦步出，行去另一方向上其黑色七人車，由司機送返家。與此同時，陳嘉桓亦開車尾隨黃宗澤的七人車，兩架車一前一後返回火炭晉名峰。期間黃宗澤的司機曾多次慢駛，警覺性甚高。
陳嘉桓回應話：
陳嘉桓日前回覆傳媒時，表示自己其實係去黃宗澤屋企睇波，因為大家都知Bosco新居入伙，而且正值世界盃期間，所以一大班人被邀請去開Party。陳嘉桓仲笑說自己出名食量大，開大食會時一定會請埋佢去幫手清晒啲食物！
黃宗澤回應話：
至於男主角黃宗澤接受訪問時，就唔係話新屋入伙，而係屋企啱啱裝修完所以開Party，最近公司朋友、自己朋友及《守護神》劇組台前幕後都輪流上去食飯。提到佢一向鍾意長腿妹，Bosco就話長腳還長腳，鍾意還鍾意！
即係話，黃宗澤同陳嘉桓喺電影《男人唔可以窮》入面的情節… 相信唔會喺現實中發生啦！
延伸閱讀：
