愛回家|楊明戲份暴走玩爭女激嬲網民!編劇做錯4個決定成致命傷
![愛回家 楊明 此外,最新兩集更明顯想鋪排楊明介入「風少」龍璟風和古佩玲飾演的「素素」申瑞素的關係!](https://imgs.orientalsunday.hk/wp-content/uploads/2023/12/406392419_7966913749989830_2062492293642279534_n_7233642926569908e32361.jpg)
楊明戲份有增無減 做程咬金介入一對CP
最近有觀眾就發覺加入數月的楊明戲份不斷獨大,早前一集曾以為「楊明離職」令網友開心咗一陣,但原來是空歡喜一場。此外,楊明戲份更有增無減,最新兩集更明顯想鋪排楊明做嫁兩介入「風少」龍璟風和古佩玲飾演的「素素」申瑞素的關係!
劇情中,雷公(白彪飾)對素素(古佩玲飾)抱有不喜歡的態度。為了刺激雷公,三太(樊亦敏飾)和大龍生(羅樂林飾)共謀,試圖撮合雷公的兒子虹豆沙湯遠(楊明飾)和素素在一起,於是刻意製造唔少獨處機會給二人,並逼走風少。
![愛回家 楊明 三太樊亦敏飾)和大龍生羅樂林飾)共謀,試圖撮合雷公的兒子虹豆沙湯遠楊明飾)和素素在一起。](https://imgs.orientalsunday.hk/wp-content/uploads/2023/12/71a6e81a-fd64-43ed-845e-dd717f9e482d_13775573196569991b57f39.jpg)
網民鬧爆編劇不理民意:求摺埋套劇
楊明在尾聲時更揚言:「我要追素素」加入成為三角戀,實在令觀眾看得相當反感,紛紛鬧爆編劇不理民意:「求摺埋套劇」、「反正硬捧後台人士根本冇人想睇,死霸住個黃金時間又令觀眾極度憤怒,何必呢?」、「其實編劇想將風少同June的感情線拖到幾時」、「唔好玩啦,神婆和紅豆沙都唔襯」。
![愛回家 楊明 楊明在尾聲時更揚言:「我要追素素」加入成為三角戀,實在令觀眾看得相當反感,紛紛鬧爆編劇不理民意](https://imgs.orientalsunday.hk/wp-content/uploads/2023/12/7a2102a4-a9c5-4427-9bd7-8fa0e5cbeb1f_8858189256569a441c0d2b.jpg)
網民獻計「安Bon戀」復合係唯一出路?
既然編劇有心安排楊明玩爛劇情,有網民就提議叫「金城安」和「Bonnie」復合挽回觀眾信心,畢竟二人CP感極強,而且早前一集二人再有對手戲,兩人因為「科莫多龍」而在一起,殊不知惹來譚道德的誤會,以為女兒又與廢青復合,鬧出不少笑話,網民紛紛留言:「想睇安Bon戀!」而林凱恩亦回覆傳媒指:「任何可能性都有。」似是復合有望!另外,周嘉洛早前大爆自己現時只剩《愛回家》一劇,相信他亦會留在劇組一段時間。
![愛回家 楊明 網民紛紛留言:「想睇安Bon戀!」而林凱恩亦回覆傳媒指:「任何可能性都有。」似是復合有望!](https://imgs.orientalsunday.hk/wp-content/uploads/2023/12/50f0c64b-77ba-4cee-b1cb-9e918319b878_69135753365699f167e90b.jpg)
網民盤點「收視皇牌」4大死症
1.編劇刻意整走「龔燁」討喜角色
不少網民十分喜歡《愛回家》當中的幾對愛情線,尤其係「安Bon戀」、「龔水戀」等等,有網民留意到不少舊線已經戲份大減,質疑編劇有意整走討喜角色,更為龔燁討個說法:「想睇嘅龔燁同好多舊線都冇咗,難睇嘅後台人士就係咁塞比你,唔使只停星期六 成套劇摺埋佢啦」、「自從連結咗婚嘅龔燁都想整走被出差,已冇興趣再睇套劇」、「又冇咗龔燁,所以對這劇的興趣已減少」。
![愛回家 楊明 愛回家 亞洲超星團 愛回家 台慶 之前龔燁玩失憶,唔少網民已經鬧爆有心拆散「龔水戀」](https://imgs.orientalsunday.hk/wp-content/uploads/2023/11/365953629_234706992874544_7102173773891980781_n_5272789966555952eb42b6.jpg)
2.劇情暴走不知所謂
另外,有網民反映劇情暴走亦死因之一,未必個個接受到,有時大玩「西片世界」、「迷人pink lady」、「奇異博士」等等,「愈做愈爛,完全唔好睇,應該寫返多啲貼近現時香港嘅話題」、「一星期7日,演員鐵打咩?」、「編劇團隊都要休息」、「最好永遠停播,內容越來越不知所謂」。
![愛回家 楊明 愛回家 亞洲超星團 愛回家 台慶 KC 歐瑞偉 )可算是暴走擔當!](https://imgs.orientalsunday.hk/wp-content/uploads/2023/11/391270357_243442391685302_8512672729100985535_n_2089560662655593283a038.jpeg)
3.硬捧自己友 珍姐被削權?
過往有人被逐出「家門」,包括「熊心如」蘇韻姿被踢出《愛回家》,都關高層曾勵珍事,更有網民大擔猜測對於皇牌劇讓路畀綜藝節目,可能與珍姐被削權有關,有人指:「係就好!佢粗暴干預劇情,硬捧自己友同後台人士,漠視觀眾喜好,套劇被佢一手玩爛!」、「佢應該退休吧!」
![愛回家 楊明 愛回家 亞洲超星團 愛回家 台慶 萬千星輝頒獎典禮 曾勵珍 獲萬千光輝演藝大獎的曾勵珍非常驚喜。](https://imgs.orientalsunday.hk/wp-content/uploads/2023/01/-2022-2-39-screenshot_30006460363bbcdf2c9cba-1024x576.png)
4.空降楊明逼觀眾罷睇
《愛回家》當日突然空降楊明登場,強行加插他飾演雷公(白彪 飾)的親生仔「虹豆沙湯遠」,當時觀眾群起叫「棄劇」,早前一集楊明突發辭職,觀眾誤會告別劇組,無奈空歡喜一場,不禁嘆道:「可唔可以唔好擺佢出嚟?,無限期唔睇。」、「有佢一集我就唔睇」、「劇本寫到佢係天下第一大好人,睇見都作嘔。」、「有楊明就唔睇」。
![愛回家 亞洲超星團 愛回家 台慶 愛回家 楊明 不過觀眾有觀眾鬧「棄劇」,唔經唔覺來到第2133集,竟突發楊明要辭職?告別劇組?](https://imgs.orientalsunday.hk/wp-content/uploads/2023/11/vs-mytvsuper-2020_81421236665544e145d662.jpg)