全民造星4｜Ash前夫向MC道歉態度180度轉變罵爆前妻：我恨你

Q: MC張天賦如何回應「平安夜私會Ash」的緋聞？

MC張天賦的公司採取了相對低調的回應，但MC本人就在記者訪問時大方表示 ⋯⋯按此看詳情

睇返上集：全民造星4｜Ash與張天賦平安夜私約獲前夫證實舊同學爆黑歷史

MC張天賦認與Ash私約

對於日前一直傳MC與Ash私約一事，其所屬娛樂公司華納唱片回應傳媒表示：「跟MC了解過兩人只是純粹工作朋友關係，沒有其他。多謝關心。」而MC在1月5日出席《香港金曲頒獎典禮 2021/2022》記者會時則向傳媒直認平安夜真係有約Ash，二人並肩行超巿亦都係真有其事，不過就話之後一齊去Party仲有其它朋友嘅，仲話同Ash唔係好熟，甚至唔知對方嘅婚姻狀態添！之後有網民終於搵到所謂嘅「平安夜Party」或「慶功宴」嘅相，之不過日子又唔啱，大合照仲要冇MC，件事仲愈描愈黑！

有網民Post出疑似Ash與MC逛超市的圖。圖中男女所戴Cap帽，與下圖MC所戴的相當相似。（圖片來源：LIHKG截圖） — 圖中男女真係MC同Ash。（圖片來源：LIHKG截圖）

事後有網民挖出他會的「Party」相！不過最吊詭係，呢張相入面冇MC㗎！（圖片來源：LIHKG截圖）

Ash前夫突入MC直播留言

直到1月5日晚上MC在IG開直播與Fans傾偈，豈料Ash前夫突入兼留言，說話仲有種酸溜溜嘅味道：「如果你真的喜歡Ash就要好好對她。」雖然唔知MC當時睇唔睇到，但Ash前夫隨後又在自己的限時動態寫道：「如果真的有甚麼，我希望你可以負責到底，我是說如果真的有甚麼的話。」聽落真係有絃外之音！而網民的反應亦都非常熱烈，除咗話前夫「識玩」之外，更有人推測前夫可能有「證據」在手，同時亦確認自己被綠的事實，唔少人都戥佢心酸！