上山詩鈉專做巨星客、康子妮一個月做Top Sales！藝人轉撈保險吸金能力一樣掂

撰文、圖片：東方新地

林作抽藝人死訊水賣保險

加入英國保誠都未夠一年，全城都知林作賣保險，皆因佢不斷出 po 吹噓自己生意額幾驕人、團隊有幾強大、夠錢玩古董車、可以買 Donald Trump 最愛西裝品牌等等。不過次次抽藝人死訊水賣保險，亦引起大量網民不滿。

康子妮一個月登上公司Top Sale

今年九月初，結婚十八年人前一向恩愛嘅林曉峰同康子妮突然宣布離婚，而44歲自言挑戰令生活更有趣嘅康子妮，唔止結束婚姻亦轉埋行加入保險業，更在短短一個月便登上公司Top Sales。同時作出兩大變動，被質疑離婚轉行與結識新歡有關，康子妮解釋誤傳新歡實為上司，現專心努力搵錢。

江華自爆不少客仔送上門

當年嘅師奶殺手江華喺13年拍完劇集《鳳舞香羅》後，即消失於公眾眼前。15年被女性朋友招募突然加入保險界，還被拍到參加培訓和考試，正式成為保險經紀，江華更自爆有唔少客仔送上門，仲有人專登去佢屋企搵佢買保險㖭！

梁潔華業績強勁

79年於無綫第八期藝員訓練班畢業、90年轉投亞視，黃日華太太梁潔華92年退出娛樂圈後都轉行任職保險經紀，業績強勁，可惜13年患上急性骨髓性白血病，今年五月因病離世。

劉錦玲亞視花旦賣保險

曾經係亞視花旦、93年主演劉德華出品電影《天長地久》達到個人事業巔峰，劉錦玲06年淡出幕前轉投保險界。15年更取得社會學及心理輔導學位，下一個目標係攻讀碩士課程考牌做輔導員。

上山詩鈉鈉手頭巨星客多不勝數

八十年代加入電視台，與梅艷芳、劉嘉玲、曾華倩、吳君如等人識於微時，上山詩鈉三十多年前已經轉投保險界，不過天性熱情善於交際，加上有個表弟係張智霖，依然活躍於娛樂圈巨星界，所以佢手頭上嘅巨星大客亦多過人。

鄧一君榮升高級分行經理

童星出身、做過香蕉仔，鄧一君05年已經退出娛樂圈擔任專業理財顧問，亦愈做愈專業，一早已經榮升高級分行經理，亦考取埋認可財務策劃師專業資格。

蔡子健高產男藝人做財務策劃

二十年電視台生涯一直屬於高產男藝人，估唔到蔡子健邊拍劇亦邊在公開大學進修工商管理學士課程，2010年再攻下碩士課程，一早諗住方便轉職可以做財務策劃。

戴志偉同保險公司女同事十指緊扣

明星足球隊嘅中流砥柱戴志偉，其實一早視做明星為副業同興趣，正職係任保險財務策劃顧問，今年四月更被影到背住老婆同保險公司女同事十指緊扣。

王玉環宏利首任女性高級區域總監

中韓混血兒王玉環於八、九十年代活躍香港電影圈，套套都被安排做殭屍、鬼后等等猛鬼角色。93年退出娛樂圈轉職做保險，連續16年成為百萬圓桌會會員，16年榮升宏利首任女性高級區域總監。

寇鴻萍旗下團隊超過二十人

82年香港小姐季軍寇鴻萍，短短入行五年就淡出幕前轉投保險業，打拼多年成績亦驕人，旗下團隊超過二十人，自己亦成為分區經理。