陳瀅凸肚現身 認與何姓人同居
廣告
剛從溫哥華探親回港的宅男女神陳瀅，早前被爆與賭王和四太梁安琪的兒子何猷亨拍拖，更被指撬好姊妹劉佩玥牆腳。不過陳瀅一於少理，今日出席品牌活動，長裙包到冚，竟然肚凸凸？原來陳瀅話在溫哥華吃得太開懷，多了個小肚腩。
同場仲有台灣女神陳妍希…
對於男友何猷亨，陳瀅大方表示有機會會帶對方到溫哥華探親，問到可有見過四太梁安琪，她說：「佢屋企人嘅嘢，我唔回應喇。(四太開綠燈喎)你哋講啫，問番佢啦！」至於拍拖後第一個情人節，陳瀅話希望有工開，因為放了三星期假太悶喎！
對於早前有指被何猷亨包養，居於四太物業，陳瀅直言：「我係有同人同居，都係姓何嘅，不過佢係何雁詩，我哋同居咗一年好開心，我哋一齊租，業主唔係男友嗰邊嘅人。」又提到被指撬好姊妹劉佩玥牆腳，她亦一一否認。
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
網址：www.facebook.com/orientalsundayhk
