一直想為老公汪小菲追個仔嘅39歲大S（徐熙媛），終得償所願生猴子！日前大S去細妹小S屋企食飯，大S新年願望係：「希望順利生下健康的兒子。」而老公汪小菲於微博報喜訊：「已經五個多月啦。期待健康活潑的小猴子。老婆辛苦了。」
有傳奶奶催佢追仔， 大S表示絕冇此事，但老公汪小菲係獨子，難免有壓力！而懷孕後一直乖乖待產，兒子於腹中一天比一天大，大S笑言：「肚子超大，猛抽筋，還蠻辛苦的。」
小S雖然一早就知家姐陀仔，但為怕姨甥小器，一直守口如瓶，當家姐宣布再有喜，佢亦道賀：「很替大S開心，期待看到一個健康帥氣的小男嬰！」
