晒3卡鑽戒 熊黛林嫁硬郭可盈細佬
廣告
熊黛林(Lynn)、周汶錡同馬詩慧等出席模特兒公司春茗，Lynn穿deep V低胸黑裙風騷現身，又不時跟同事selfie，無意中被發現左手中指戴住估計過百萬、3卡方形鑽戒，閃爆全場！問到是否郭可盈細佬郭可頌送嘅求婚戒指，Lynn大方承認：「都有一段時間(求婚)，大概有3個月，佢個人好簡單，求婚過程好簡單，都係鮮花戒指，同埋佢講咗一段感動說話。」
Lynn晒V大讚男友郭可頌係Mr. Right：「佢好孝順，真係一個有計劃嘅人，好有誠意，好努力改變，唔係得把口，好似以前佢對小朋友冇乜耐性，依家改變好多，做嘢好勤力，永遠親力親為。」問到婚期及會否喺香港、南京兩地擺酒，Lynn表示正忙於工作，所以婚期可能係今年或明年：「大家都知做嘢行先，佢都會明，未傾到咁細緻，開心簡單就得，不過唔好太耐。」至於婚後會否生BB，Lynn笑言：「都想，一定會生，不過唔心急，會結咗婚先至生小朋友。」
