現場實況林海峰化身‍️拍賣官爬上爬落 笑稱兩個囡可能會「價低者得」…

啱啱放完假差足電返香港嘅Jan林海峰，日前為銀行拍攝新廣告，佢喺廣告中化身星級拍賣官，要企上高空嘅巨型拍賣槌，仲要不斷爬上爬落，好彩佢平時長跑訓練有素，先有咁好腳力！今次廣告Jan再度扮演專業人士，為咗演繹拍賣官角色，拍攝前都做足功課，睇片偷師又特別留意拍賣官喺台上主持嘅台風語氣、攞拍賣槌嘅手勢同身體語言等，仲話拍賣官其實都係一個舞台表演者，佢哋嘅工作同talk show都好類似，體驗完都話覺得呢份職業好有趣啊！

問到Jan如果佢本人成為「拍賣品」之一，佢會奉獻咩「重錘」體驗俾大家，佢就話可以帶大家一齊拍廣告，應該會係一個好有趣嘅經歷！佢仲話有興趣將自己嘅私人物品攞出嚟拍賣，只要大家出得起價，屋企任何嘢都賣得，不過當然唔包括屋企人啦！而且屋企人嘅價格唔係由佢定，是由買家定，例如佢兩個女，好可能最終係價低者得，真係俾佢笑死啊！

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com