COLLAR新歌MV性感大騷女人味露背露小蠻腰樣樣齊獲網民激讚

Sep 28 2023

由Marf邱彥筒、Gao沈貞巧、Day許軼、Candy王家晴、Winka陳泳伽、Ivy蘇雅琳及 Sumling李芯駖組成的本地女團COLLAR，日前推出第三首團歌《Speak Love》，顧名思義歌曲以愛情為主題，帶出敢愛敢認的訊息，展現現代女性對愛情的態度。今次團歌除了破天荒邀請Serrini填詞外，又首次在MV中安排大隻型男及導演陳健朗客串演出，不過最大膽創新，莫過於COLLAR在新歌中性感上陣，大騷女人味！

collar speaklove COLLAR終於推出新歌。 — COLLAR終於推出新歌。（圖片來源：[email protected]）

Day露背嗌正

新歌《Speak Love》MV當中，COLLAR破格以性感造型亮相，總動員短裙示人之外， Marf與芯駖騷小蠻腰、Day穿上大露背、Ivy與Winka則以低胸裝上陣，令人熱血沸騰，對此，她們異口同聲指是拍攝MV有史以來，最性感的一次，Day表示：「好正，見到大家今日咁着，平時大家多數着褲，今日大家都着裙。」Winka認為今次造型十分有女人味，在性感上亦挑戰了尺度，而芯駖指：「着咗呢套衫同呢對鞋，個人行路都好有儀態，就算企喺度都要有女人啲嘅感覺，唔可以好似平時咁。」不過Gao就「唱反調」自言本身是性感擔當，笑言平時在家亦衣着性感，對今次MV造型未有不慣。

性感登場有驚喜

難得以性感登場，未知COLLAR在拍攝前可有積極進行身型管理？Day即搶答表示：「我哋每日都有互相帶食物畀大家，因為拍MV之前都要排好多舞，消耗好多體能，所以食多啲嘢都唔驚。」Marf認為事前最重要是整理好心情：「聽完首歌之後，嘗試去平衡番個感覺，唔想過份女人味，想中和番。」芯駖則笑言最主要是心理上的準備，準備如何突破心理關口。

Candy被型男夾攻尷尬到癲

Marf透露今次MV製作，雲集《那年盛夏我們綻放如花》、《和解在後》及電影《風景線》製作班底，太多熟悉的面孔，所以在拍攝過程中，令她多了一份尷尬，但講到尷尬之最，莫過於Candy在拍攝期間夾在2位大隻型男中間，Ivy更踢爆表示：「佢（Candy)話『好想走、好想離開呢個地方』。」對此，Candy直認不諱：「真係硬晒軚！太壓迫，佢哋操到好大隻，然後又好貼近我，然後我又有啲緊張。」難怪Candy提到愛情上的看法，她笑言：「大隻佬唔係好啱我！」

collar speaklove 不少網民都表示他是陳建朗。 — 不少網民都表示他是陳建朗。（圖片來源：[email protected]）

網民點睇？

「今次 MV 造型簡潔而能夠突出每個成員嘅形象」、「首歌好聽，造型好靚，MV拍得好睇」、「人靚，歌甜，衫靚，MV好睇」、「甜美得嚟繼續係型格路線！」

Gao終於擺脫時尚災難

隊長Gao早前在《idc》中，雖然憑一頭紅髮突圍而出，但卻被指妝容嚴重出事，黑色粗眼線、黑色嘴唇被網民形容為「化到中毒咁」，走型格路線玩出禍，甚至連花名都被改做「Gao唔掂」！今次她終於擺脫污名，以一頭啡色長直髮加上較淡的妝容，深得網民喜愛，獲大讚「Gao返掂」、「其實一直都咁靚」、「終於同造型師和好如初」、「呢張先係正常發揮」等留言。

collar speaklove 網民對Gao呢個妝表示唔OK！ — 網民對Gao呢個妝表示唔OK！（圖片來源：YouTube截圖）

collar speaklove collar 新歌 — 當時網上一片罵聲……（圖片來源：YouTube截圖）

collar speaklove 今次靚女晒！ — 今次靚女晒！（圖片來源：[email protected]）

人氣排名大洗牌

COLLAR官方IG於昨日（26日）公開7成員的新歌宣傳照片，不足24小時內已經引起腦極佳極大關注，而成員之間人氣差距亦被拉開得愈來愈遠，最多人like的成員與最少like成員票數相差足足有3倍！截至周三（27日）下午12時半，暫時最多like數的是Ivy So，有超過1萬5千個likes成為隊中人氣王。她早前在《idc》中，被指是時尚災難中的唯一生還者，獲網民大讚就算衣服有多不好看，只要穿在Ivy So身上，她也能完美的Carry，今次就華麗風格的造型更加心得網民的喜愛。至於緊隨其後的是Gao，而超過1萬likes；第三名是Day，得到9千多likes。本來在《全民造星IV》比賽中奪冠軍的Marf，在人氣排名中只得第五名，而年紀最大的芯駖則暫時排第尾。

collar speaklove Ivy So繼續做人氣王。 — Ivy So繼續做人氣王。（圖片來源：[email protected]）

collar speaklove IG like數反映出隊中成員人氣。 — IG like數反映出隊中成員人氣。（圖片來源：[email protected]）

collar speaklove collar 新歌 Ivy So呢張相獲得最多Like數！ — Ivy So上次亦同樣獲得最多Like數！（圖片來源：[email protected]）

collar speaklove collar 新歌網民讚Ivy So咩衫都Carry到 — 網民讚Ivy So咩衫都Carry到（圖片來源：YouTube截圖）

37歲芯駖人氣下滑

隊中的「大家姐」芯駖過去被網民一度封作「女人天花板」而深受喜愛，然而自從於《idc》中身形走樣後，獲外界狠批不像女團成員之後人氣開始下滑，其個人宣傳照的like數比起其餘成員更低。

collar speaklove 芯駖今次的造型亦沒有什麼大問題。 — 芯駖今次的造型亦沒有什麼大問題。（圖片來源：[email protected]）

collar speaklove collar 芯駖網民表示芯駖的這個造型暴露了身形上不少缺點。 — 網民表示芯駖的這個造型暴露了身形上不少缺點。（圖片來源：IG@lisumlingg）

collar speaklove collar 芯駖贅肉表露無遺。 — 《idc》形象指導及藝術總監的Chloe Mak公開一輯新相，芯駖這張相驚嚇度十足。（圖片來源：IG@chloemakcm）

神秘男子身份曝光

MV預告中，Marf衝向一名只露背影的神秘男子並將他大力扯走，其真正身份極大可能就是與她在ViuTV劇集《那年盛夏我們綻放如花》中合作的導演陳建朗！當時Marf在IG發表劇終感言時，表示「希望之後要多啲多啲機會一齊合作」，突如其來的二度合作令網民相當喜出望外，更有不少劇迷直指是劇集結局的番外篇：「楊悅盈（Marf劇中角色）和姊妹找MTCC的代言人復仇的故事」、「又係你啊陳生？」、「果然Marf係換咗身份嘅楊悅盈」。

collar speaklove 預告入面的Marf嬲爆爆衝向一名神秘男子。 — 預告入面的Marf嬲爆爆衝向一名神秘男子。（圖片來源：[email protected]）

collar speaklove 疑似陳建朗的人被Marf黎拉走。 — 疑似陳建朗的人被Marf黎拉走。（圖片來源：[email protected]）

collar speaklove Marf和陳建朗在《那年盛夏我們綻放如花》中合作而結緣。 — Marf和陳建朗在《那年盛夏我們綻放如花》中合作而結緣。（圖片來源：IG@_marifemarife_）

網民狠批MV造型師 Candy嚴選最肉酸

COLLAR推出新歌後，唔少網民在COLLAR的官方IG批評，指今次MV造型非常不討好，尤其是Candy的打扮被指是眾人之中最肉酸，寫道：「乜料呀影到Candy咁樣，我X」、「炒咗個造型、攝影同IG揀相呢3個人佢啦」。

collar speaklove collar 新歌好多網呢話Candy呢個造型唔OK。 — 好多網呢話Candy呢個造型唔OK。（圖片來源：YouTube截圖）

collar speaklove collar 新歌大家又點睇！ — 大家又點睇！（圖片來源：[email protected]）

collar speaklove collar 新歌網民好大意見！ — 網民好大意見！（圖片來源：網民留言截圖）

網民希望ViuTV換造型師

其次還有其她團員的造型，網民亦逐一批評，更希望ViuTV能聽到他們的心聲，不要令偶像們的造型一次比一次更差！

collar speaklove collar 新歌日本街頭拍攝。 — 日本街頭拍攝。（圖片來源：YouTube截圖）

collar speaklove collar 新歌 Marf嘅妝網民覺得可以化淡少少！ — Marf嘅妝網民覺得可以化淡少少！（圖片來源：YouTube截圖）

collar speaklove collar 新歌芯齡套衫... — 芯齡套衫…（圖片來源：YouTube截圖）

女團COLLAR自蘇芷晴（So Ching）退團後，從此由8變7。經過一段時間沉澱後，COLLAR終於有新歌《idc》派台，近日亦在官方IG晒出各人造型照。

COLLAR︳新造型照曝光變「忍刀七人眾」

COLLAR全體成員包括芯駖、Gao(沈貞巧)、Day(許軼)、蘇雅琳(Ivy)、Marf(邱彥筒)、Winka(陳泳伽)及Candy(王家晴)在IG都有新造型，各人造型都各有性感，據知是飛往日本拍攝，部份成員手持忍者兵器，同過往造型與別不同，勁有新鮮感，唔少網民已經逐一評價7位成員新look，更笑指變「忍刀七人眾」！

collar speaklove collar 新歌 collar idc 唔少網民已經逐一評價7位成員新look，更笑指變「忍刀七人眾」！ — 唔少網民已經逐一評價7位成員新look，更笑指變「忍刀七人眾」！（圖片來源：[email protected]）

評價 1︳Gao似得罪造型師

有不少網民見到Gao嘅造型照，紛紛唔多接受，「究竟啊餃同collar個造型師有咩過節」、「如果撒旦係女人應該係咁樣」、「嘩… 唔好喇… SOR 唔識欣賞… 個 Stylist 發生了什麼事…」、「呢邊個建議係換咗造型師」。

collar speaklove collar 新歌 collar idc 不少網民見到Gao嘅造型照，紛紛唔多接受。 — 不少網民見到Gao嘅造型照，紛紛唔多接受。（圖片來源：[email protected]）

評價 2︳芯駖隻手出事

芯駖變成「浪客劍芯」，化身女劍士，勁有霸氣！不過有網民嫌美中不足地方是芯駖雙手略見不少青筋和皺紋：「應該P下對手」、「不好意思，但對手需要修護一下，看來好像好多經歷」

collar speaklove collar 新歌 collar idc 芯駖變成「浪客劍芯」，化身女劍士，勁有霸氣！ — 芯駖變成「浪客劍芯」，化身女劍士，勁有霸氣！（圖片來源：[email protected]）

評價 3︳Ivy So、Day、Marf、Candy全面升呢！

網民有批評個別成員造型有少少炒車，但大讚Ivy So、Day、Marf、Candy 新造型全部升呢！唔少網民留言：「Ivy單眼chok樣再加雙刀造型，勁有殺氣」、「真心想知stylist是邊位！點解唔似平時，感覺全部升lv 晒！連呀Day 都唔同晒！又型又靚！」、「Marf有料到wor ，襯到絕！」、「糖b揸住呢把苦無打仗一定大獲全勝！」