黃心穎愧疚自責曾萌輕生念頭憶亡父4年前被追訪心痛淚崩拍拖一年認定️…

黃心穎今年2月復出，由演員轉型為獨立歌手，先後推出三首歌曲《Crown Me》、《沙包》同《I Sleep》，全部都係佢人生谷底時創作嘅作品，自嘲係「Bitch」、「罪人」，幾乎係企定定任你鬧。

2019年爆出「安心事件」，黃心穎成全城「公敵」，當時佢選擇全面停工避走美國學戲，背負「自責同愧疚」終日以淚面，更曾萌輕生念頭，幸有一班外藉同學仔得知佢嘅「處境」，每當見到亞洲人面孔都會幫佢築起「圍牆」護駕，令佢暖在心頭。

不過，逃避似乎唔能夠解決問題，黃心穎最後決定回港面對一切，但最令佢心痛，係連累到屋企人！原本係ViuTV金牌司儀嘅黃心美，工作量突急跌至零；憶起先父黃沛霖被狗仔隊追訪一幕，黃心穎更心痛淚崩，「我覺得我保護唔到佢，又帶畀佢咁多麻煩，整個回憶喺我腦內好深刻」。黃心穎爸爸遺願係希望女兒能「站起來」，所以即使受喪父打擊，黃心穎仍未有停下新歌宣傳步調，接受訪問。

而剛榮升黎太嘅黃心穎，一提起老公泥鯭（黎萬宏）就甜絲絲，二人患難見真情，黃心穎直言呢段時間如果冇咗泥鯭，日子會更加難過。佢哋拍拖一年多已認定對方，黃心穎爆求婚過程平淡但開心，仲計劃生小朋友。對傳聞黃心穎係泥鯭同前未婚妻之間嘅第三者，黃心穎都有問必答，咁真誠嘅訪問，大家快啲Loop爆條片感受一下。

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com