姜濤新歌《濤》為演唱會主題曲 負傷以不同舞種表達水形態 「帶住腳箍…

姜濤將於聽晚喺亞博舉行個唱，佢趕喺今日出新歌《濤》，仲打算喺演唱會上首次公開獻唱！今次歌名《濤》用上姜濤嘅名字，除咗源於填詞人小克過去喺《鏡中鏡》嘅一句歌詞「我是濤」外，其實亦因為今次演唱會嘅主題係「Waves（浪濤）」，姜濤話「以往自己嘅作品都有好強烈嘅主題喺入面，所以一直都搵唔到好合適嘅歌去演繹成個演唱會主題，所以就希望寫一隻純粹關於水嘅歌，咁啱自己個名又有一個『濤』字，所以就用《濤》作為歌名，好多謝小克老師幫忙寫咗呢隻歌。」
「濤」係水的其中一種形態，姜濤話裏面包含好多哲學，想自己喺各方面都好似水一樣咁流動多變。姜濤形容《濤》係好炸場嘅一首歌，會聽到猶如瀑布、浪濤一樣的氣勢，「呢首歌就好似要話俾大家聽，我要嚟喇！」

為咗營造氣勢，佢仲搵咗合唱團演唱歌劇式嘅和音，演唱會上仲會有舞蹈去表達水的形態。但大家都好擔心姜濤嘅腳傷未好番晒，會唔會影響排舞？姜濤大派定心丸「Keep住有做物理治療，帶住腳箍跳舞都OK，唔使擔心！」姜濤仲話會唱出多首從未曝光嘅新歌，同意想不到嘅內容及驚喜，又話「我準備咗一個好嘅身體嚟睇表演就可以，唔要求大家做咁多嘢，好好地睇就得了。」

網民點睇？

支持姜姜靚靚濤歌詞音樂好吸引繼續加油明天演唱會good Show型爆舞台👍🥳🎊🎉💯🔥🔥🔥❤

❤❤❤❤姜 健康係首要 欣賞您為人和作品 您也要好好享受屬於您嘅舞台

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com