現場實況帶你睇「絕代芳華‧梅艷芳」展覽 劉培基捐最珍貴藏品 無懼殺…

「絕代芳華‧梅艷芳」展覽今日喺香港文化博物館開幕，古天樂、劉培基、曾華倩、呂方、李龍基同未婚妻等現身支持。展館所有珍藏由劉培基捐出，包括梅姐唔少型爆開騷服飾、《第23屆香港電影金像獎》演藝光輝永恆大獎獎座、《第12屆東京音樂節》TBS獎獎座、黑膠唱片等。

雖然多年嚟都有唔少梅姐遺物俾歌迷拍賣投得，但劉培基話梅姐最珍貴嘅藏品都喺佢度，依家就全數捐晒去博物館。而佢亦係最瞭解梅姐嘅人，大家冇秘密。講到有傳文化博物館被殺館，劉培基堅持唔信，仲話政府會有安排，好好安放梅姐藏品。

而曾華倩身為梅姐閨蜜，今日專程推晒所有嘢嚟支持，華倩講梅姐就滿滿回憶，仲爆表面豪氣嘅梅姐一拍拖就似小綿羊，想知更多？睇片啦！

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com