譚輝智FIGHT FOR YOU演唱會｜首場個唱驚喜連連！譚輝智Cosplay唱兒歌、感動獻愛妻

輝智獻唱《我恨我癡心》為演唱會揭開序幕，他在台上說：「到呢刻企喺呢個舞台，都好似發緊夢咁，我都成 40 歲人竟然開到演唱會，我喺度衷心多謝大家嘅支持！」頭號粉絲狄波拉（拉姑）當晚都有現身捧場，輝智十分識做地說：「 有位同我差唔多年紀嘅巨星，佢（指謝霆鋒）喺 16 歲時已經出道，佢唱嘅歌我由細聽到大，今晚我請到佢……個阿媽拉姑嚟，其實我唔係好明，你個仔咁出色，點解你會留意到我呢 Pat 嘢？」智輝說罷獻唱《愛後餘生》送給拉姑，感動得台下的拉姑眼濕濕。

演唱會首位嘉賓是肥媽，輝智與她合唱《重口味》，兩人邊唱邊跳非常合拍，引爆全場氣氛！向來搞鬼的輝智之後孖住一班「中二生」玩 Cosplay 獻唱多首兒

歌，化身小學生「柯南」的輝智與 Cosplay《龍珠》角色的劉威煌、顏米羔、梁浩賢和甘永傑合唱《龍珠二世》，之後化身「美少女戰士」的陳俞霏、林若盈、陳蒨葶、 陳燕娜和周碧嘉大晒長腿獻唱《美少女戰士》，輝智則在旁跳舞附和，氣氛熾熱。

演唱會設有問答環節，輝智親自解答各方提問，有人問「會唔會請拉姑做歌迷會會長」，台下的拉姑親自回答：「我做阿四得喇，以前做四嫂，所以可以做阿四。」令輝智慘食檸檬。最後一條問題由輝智太太親自提問：「死仔包，激親老婆點處理？」輝智笑笑口唱出《離家出走》送給太太，認真大膽！輝智激完老婆再出招氹番老婆，他獻唱首支單曲《多麼感激》送給太太，並在台上發表愛的宣言感激太太一路以來默默支持，輝智太太則感動爆喊，場面感人。演唱會尾聲，輝智一次過獻唱快歌《有效日期》、《哎呀哎呀親親你》和《屈到病》，大騷招牌機械式舞功，最後他以《與我常在》為今次演唱會畫上圓滿句號。

想知道更多相關精彩資訊，敬請留意 www.tvb.com 。