點先可以擁有迷人直角肩？等你呢個夏天盡露骨感～
廣告
好想著小背心？但又驚無鎖骨唔夠性感？唔使怕～趁著呢個夏天跟著小紅書博主@學旖Ayio一起做運動，打造「直角肩」完美線條，等你可以大騷迷人肩膊～乜話？唔知乜叫「直角肩」？就係代表脖子與肩膀呈現直角L狀態，令視覺上睇上來會比較纖瘦～～明白未～～？
撰文：CM Team |圖片：網上圖片
內地小花倪妮係大家公認嘅肩頸線完美女星，雙肩平滑，鎖骨平展，頸部又細又長，由頸部到肩部的弧度很小，而肩部到手臂的線條近乎90度。
韓國女團BLACKPINK成員Lisa同Jennie「直角肩」，無論係著off-shoulder上衣或者禮服，甚至吊帶背心，都可以輕易駕馭。
而香港明星當中，鄭秀文、吳雨霏嘅肩頸線亦近乎90度。
「直角肩」都算係一件提升氣質嘅法寶，有「行走的衣架」嘅比喻～又可以撐起件啲靚衫～
第一步｜伸展運動
先將手臂肩膀伸展，雙手握住向上延伸，雙手往下，背部挺直不能駝背，肩膀打開，整個手臂力量向上向下伸展。
第二步｜斜方肌頸部拉伸
肩膀保持水平直線，呢個步驟建議望住塊鏡做比較知道自己肩膀有否傾斜，手放於頭部，緩慢的將頭部肩膀處下壓，兩邊各15秒，可以能適時放鬆僵硬的肩膀～
第三步｜蝴蝶展翅運動
背部挺直，先做一個插腰嘅動作，然後模仿蝴蝶擺動翅膀展翅，肩膀向前像後運動。
第四步｜直臂螃蟹運動
身體靠牆避免駝背彎曲，雙手呈現類似投降姿勢，模仿螃蟹手臂向上下運動。
第五步｜肩胛骨拉伸運動
從後方拉住胳膊，左右伸展，肩胛骨向後夾，感受拉力力量。
第六步｜按摩舒緩肩頸肌肉
雙手握拳利用手指關節來指壓按摩，從鎖骨至肩膀，將堅硬肩頸放鬆，活絡流通血液循環。
