關節痛、出疹、失憶、生瘤 可能同隆胸有關？

撰文：CM Team｜圖片：網上圖片、Instagram

Cindy喺2004年隆胸，一年之後個胸開始變硬，跟住出現唔同徵狀。起初佢以為自己荷爾蒙失調，check過晒所有嘢冇發現，最後check無可check先走去睇整容醫生Dr. Fredric Barr，醫生一睇就發現佢個植入物有好多裂口，即刻幫佢攞出嚟，清洗返啲肌肉組織，咁樣Cindy先冇事。

另一位病人Christine Knox都喺自己IG分享，2015年1月隆胸，2016年4月就開始不停發燒，出現流感徵狀，兩年嚟到搵唔到病因，只能不停食藥又好唔返，最後醫生叫佢移除植入物，頓時個人健康返晒，呼吸暢順返，連胸腔痛都冇埋。

其實喺上個月，美國食品及藥物管理局（FDA）曾經向整容醫生、腫瘤科醫生發信✉，呼籲大家留意一種鮮有同隆胸相關嘅癌症，但唔係乳癌，係一種同免疫系統有關嘅癌症，叫#間變性大細胞淋巴瘤（anaplastic large cell lymphoma, ALCL）‼佢嘅徵狀包括疼痛、發紅或單邊腫脹、胸形不對稱、新塊狀等等；如果隆胸時用咗有質感植入物嘅人，出現呢種腫瘤嘅機會較平滑植入物更大。

好消息係，只要拎走佢哋，通常患者都唔使做化療或電療。

都係果句，以上內容只作參考，做任何療程都要搵專業可靠，甚至有認證執照的治療師或醫生問清楚喔。另外，進行美容注射時，都要了解多d安全及風險呀。