樂基兒、碧咸嫂都要拆彈保平安？5個隆胸嚇人後遺症

撰文：CM Team｜圖片：網上圖片

 
愛美當然係天性，但為了前凸後翹嘅身材去開刀做手術，又係咪值得？有前居可鑑，模特兒出身嘅樂基兒就曾因為愛美而去進行隆胸手術，由32A上圍激升至34C，雖然不少人都大讚她升級後更好看，但她於10月後突然決定將假胸拆除，她事後解釋因為隆胸後出現寒背同腰痛等情況，最後決定回復過往嘅自然身材。

隆完胸又後悔嘅仲有碧咸老婆Victoria ，當年仲係女子組合成員之一嘅Victoria曾兩度隆胸，34A變34DD，超巨Size與佢纖瘦嘅身型形成強烈對比，後來因為頂唔順「胸部頂上頸」，最後決定做縮胸手術，胸部由DD變回B級。

矽膠破裂

其實隆胸又點會只有腰骨痛同外觀上嘅問題，嚴重更會對身體健康造成傷害。其中最叫人害怕嘅，就是矽膠破裂。唔少人隆胸都選擇於腋下開刀，再放入兩個矽膠袋入胸部，但矽膠所受壓力始終有一定極限，如果遇到大力撞擊或被尖器吉到，隨時會有爆開嘅危機。

乳房硬化

乳房硬化是隆胸後唔少女士們都會面對嘅問題，其中主因係因為身體內部嘅積血、纖維被放入胸部內嘅假體擠壓到，導致胸部出現硬化問題。

乳房不對稱

左右乳房大小有偏差是自然不過嘅事，但若果植入嘅假體大小有偏差，或會令到乳房嘅不對稱程度更為明顯。

血腫

在進行隆胸手術時，如果不慎傷及到胸部嘅微絲血管，則會造成胸部出血腫脹等狀況，若不幸遇到這種狀況，就要再開刀清出血塊。

影響外觀

隆胸不外乎為了更美觀更好看，但遇到手勢不好嘅醫生，則或會令胸部外觀變得更差，都係果句，以上內容只作參考，做任何療程都要搵專業可靠，甚至有認證執照的治療師或醫生問清楚喔。另外，進行美容注射時，都要了解多d安全及風險呀。