原來食飯都可以減肥？3日減1KG 飯桶必學「白飯減肥法」
廣告
減肥係好多女仔嘅終身事業，講起減肥，唔少人都會諗住節食、戒澱粉、食少啲肉，仲有唔少人戒食飯添！不過對於香港人嚟講，白飯係主食，要戒真係唔容易呀！仲驚呀媽會問長問短。不過依加有中醫提倡嘅「白飯減肥法」，就可以減肥又食飯啦!啱晒鐘意食飯嘅女仔，又唔使驚呀媽問長問短啦~而且「白飯減肥法」唔單只可以輕鬆減重，就連皮膚都會一齊變好！
撰文：Vanessa| 圖片來源：網上圖片
1.飯同餸分開食
原來將飯同餸分開食係可以能夠令各自嘅營養發揮對身體到最大嘅功效～而且都有次序分別㗎，要先食白飯，再食餸，原因係白飯有恢復人體經絡通暢、清除人體廢物嘅功效，先食飯就可以令白飯嘅功效加強。之後先再食餸，令食物中嘅營養能夠到達每一個經絡，令減肥功效增強！
有醫例實證，只要係用咗三日飯同餸分開食嘅方法，短短三日就減咗1kg喇!
2.白飯要即煮即食
白飯最香嘅時候就梗係啱啱煮好，打開飯蓋嘅時候啦!原來新鮮煮好嘅飯係人體最容易吸收營養!所以即煮即食係最好~
3.七分飯 三分餸
中醫師就話，每一餐食之前應該要先估計自己需要食幾多，幾多先會飽肚，咁樣係對減肥最大幫助。飯同菜以7:3比例要食先夾入碗，限自己食完就唔可以再夾，從而可以減少熱量攝取。
最後中醫師表示，啱啱開始使用呢個「白飯減肥法」嘅時候有可能會有體重上升嘅問題，原因係因為米飯會令經絡暢通，但因為體肉嘅廢物未必可以一時就排出嚟，所以有可能會有短時間體重上升，不過只要照著呢個方法去做，一段時間之後唔單只會更瘦更健康，就連皮膚都會愈嚟愈好～～
