原來眼距反映性格！內文附面相分析 必睇2種開眼頭手術比較
廣告
一個人靚唔靚眼神非常重要，由日本傳來嘅「美人眼黃金比例」，指出完美嘅眼距應該只有「一隻眼」，意思係眼與眼之間啱啱好放得落一隻眼。咁天生眼距比較寬嘅女士可以點做？「開眼頭手術」無疑係佢哋嘅另一選擇，不過面相學嚟講，眼距更加可以反映性格、為人處事態度，改變眼距之前了解吓，可能你會改變主意！
撰文：CM Team |圖片：網上圖片
眼距闊＝記憶力強 不拘小節
如果眼與眼之間可以放得落一隻眼有餘，代表係闊眼距。好多畫家都擁有闊眼距，呢種人對影像「過目不忘」，記性好好。性格方面溫和敦厚，唔會斤斤計較。鍾意經常同朋友一齊吃喝玩樂，係義氣仔女。不過眼距太闊嘅話，就會有啲怕事而且容易信人，一涉及利益衝突嘅時候，好容易被人視為「水魚」。
眼距窄＝解難力強 警覺性強
眼距比較窄嘅女士，做事好有耐性，可以將麻煩問題處理得好好，通常喺職場上擔當領導角色。不過思想保守，唔容易相信人，所以社交圈或者真心知己唔多，感情方面係一個強勢女，既可以睇穿「男人心」，又唔容易俾人呃。
2種開眼頭手術比較
其實眼距過闊係亞洲人嘅血統影響，因為天生眉骨比較平而且大部人有「蒙古褶」，呢種眼褶會覆蓋內側眼角，令眼睇落又細又狹長，開眼頭手術可以令眼頭擁有理想鉤狀，以及改善眼距過闊嘅問題。
韓式無痕開眼頭
手術時，醫生會沿住眼角內部調整，由內部切走多餘嘅皮膚，將「蒙古褶」遮住嘅眼角重見天日。手術過程大概30分鐘，7天後可以拆線。
- 優點：疤痕唔明顯
- 缺點：眼距太寬嘅人可能效果唔明顯
W式外開眼頭
手術過程時，醫生會由眼角外部開刀，將眼角擴大以及塑造成理想線條。手術過程大概30分鐘，7天後可以拆線。
- 優點：眼皮超厚更有效果
- 缺點：手術後最初疤痕明顯
適合開眼頭人士
贅皮嚴重
眼角過圓
間距過寬
改善雙眼皮
「眼距秘密」
相學嚟講，眼距除咗可以反映性格，更可以反映乳房嘅距離。只要睇對方對眼，大概就可以估計對方乳房距離。不過可唔可信大家就自己證實喇！
