公爵夫人都玩針灸 拮面珠可以醫濕疹？

撰文：Ruby｜圖片：網上圖片、Instagram

原來除咗Kim Kardashian同Gwyneth Paltrow，原來仲有唔少明星利用針灸扮靚～～

Jennifer Aniston因為劇集「老友記」的Rachel為觀眾熟知，呢位二十年如一日嘅“美國甜心”，多次於訪問中聊到於面部美容方面，長期採用中醫針灸，話針灸可以幫助佢緩解壓力、減輕體重、精神愉快、改善面部氣色，令佢容顏煥發～

歌壇天后流行教母Madonna都係中醫美容嘅狂熱粉絲，佢覺得針灸可以作為一種自然嘅面部提升美容法，而唔使依靠手術同藥物。

而薩塞克斯公爵夫人梅根除咗針灸來維持美肌，於佢早前預產期來臨之際，更開始用針灸來“促進血液流向子宮”，以保持健康，改善血液流動，能量水平和幫助睡眠，減少對身體嘅壓力。

到底針面幫到啲咩？
早有研究發現針灸有助抗炎，幫助緩和濕疹。中醫國際權威 Dr John Tsagaris仲話，針灸有助改變人體血氣運行，可以增加皮膚補濕，刺激皮膚膠原蛋白（collagen) 同彈力蛋白 (elastin) 生產，令皮膚更有彈性，睇起嚟更年輕。
當然，中醫睇嘅係整體，由氣血到臟腑，大致上心臓同皮膚循環有關，肺主毛孔大細，脾同皮脂分泌有莫大關係，肝臟同皮膚色素同出斑有關。

針灸嘅話，當然要搵專業醫生，除咗因為自己唔可以亂針，唔同年紀、唔同狀況嘅人，施針都會有啲唔同。至於痛唔痛，就要睇你塊面有幾敏感喇～
雖然聽落好似好多功效咁，但都係果句，做任何療程都要搵專業可靠，甚至有認證執照的治療師或醫生問清楚喔。另外，進行美容注射時，都要了解多d安全及風險呀。