王敏德26歲二女留家避炎兼派奶 唔怕老竇詐型IG上載半祼照

遺傳基因真係好重要！好似王敏德同馬詩慧兩個寶貝女王曼喜（Kayla）及二女王麗嘉（Irisa），都完美繼承父母嘅優良基因，特別係二女 Irisa，26歲6呎高兼擁34D 驕人上圍，簡直係標準超模級身形！

撰文：東方新地 ｜圖片：新傳媒圖片庫、IG@irisashannon

王敏德26歲二女王麗嘉 嫌胸大想「 縮胸 」

不過 Irisa 就嫌自己個胸太大，一直想做「 縮胸 」手術，仲話：「 試過減肥瘦咗，個胸都唔細，我都想細啲，但唔到我控制。」話雖如此，Irisa從不吝嗇一副好body，經常喺 IG 晒性感相大派福利。

留家避炎兼派奶 唔怕老竇詐型IG上載性感照

近月王家齊齊留家避炎，Irisa 困在家唔可以同陽光玩遊戲，冇得著三點式，不過奶照派，日前 po 出幾張床照，見佢著上黑底白花邊內衣坐喺床上歎啡，除大晒馬甲線外，更露出5吋「 事業線 」，十分有睇頭！之前曾經 po 過全裸出浴照激到老竇王敏德紮紮跳，今次 po 性感內衣相就算老竇再詐型，都有大把網民撐啦！