邱淑貞 梁朝偉 22年後再次同框 防腐逆齡美貌驚艷全場！
廣告
唔少90年代女星都靚爆燈，而其中一位就梗係唔少得今年已50歲嘅邱淑貞（豆斗）！最近，已淡出娛樂圈嘅邱淑貞就專登飛到上海慶祝梁朝偉獲獎，其中二人同框合照相更成為大眾焦點，皆因豆斗凍齡逆天嘅顏值真係睇到人嘩嘩聲！
據知，「卓別林電影人士藝術成就獎」自1972年創立，而當晚更由已故喜劇大師差利卓別靈（Charlie Chaplin）嘅孫女Kiera Chaplin頒獎俾朝偉！
老婆劉嘉玲更特意安排一班好友，如梁家輝夫婦、鍾鎮濤夫婦、邱淑貞、杜德偉夫婦等人飛到上海一同祝賀老公獲獎，認真有心思！
邱淑貞明豔照人
然而，當晚另一大重點就係90年代性感女神邱淑貞亦有盛裝出席頒獎禮，著上黑色長袖深V晚裝，將秀髮盤起並配上簡單款式嘅鑽石首飾，非常明豔照人！
邱淑貞 梁朝偉 22年後再次同框
而重中之中，係當晚邱淑貞更與梁朝偉合照！最值得一提嘅係，今次二人係繼22年前電影《偷偷愛你》後再度於公開場合同框同台！最令人驚訝嘅係邱淑貞嘅容貌更如防腐咗一樣，冇變過！
獲網民激讚
唔少網民都驚呼今年已50歲嘅邱淑貞，皮膚仍然白滑緊緻，被大讚：「豆斗還是這麼美」、「歲月悄悄的放過了邱淑貞」，非常令人羨慕！
延伸閱讀：
邱淑貞孖囡囡沈月出席曾志偉生日派對
之前曾志偉生日，離開大銀幕嘅豆斗一如以往星味不減，不過講搶鏡度全晚最閃係豆斗17歲囡囡沈月，冇見一排又靚咗，衣著打扮更勝班星。雖則豆斗話過阿女無意入行，對娛樂圈表演等毫無興趣，唔想太高調更連IG都停咗冇更新，但係呢，星味同氣質呢家嘢，唔係話冚就冚得住，沈月係最一個最好例子！
沈月 搶盡風頭
凌晨十二點開始，出席婚宴的兄弟及賓客陸續離場，邱淑貞步出時保持燦爛笑容，不過風頭隨即被跟在後面的大女沈月搶晒！沈月呢晚以全紅色打扮示人，鮮紅運動外套及鮮紅運動喇叭褲，內裏則是黑色低胸裝，有型又性感！另外沈月紥住條高高的馬尾，戴住副襯到絕的紅框黑超，舉手投足如同國際巨星！
原來沈月配戴的飾物都好潮，係眼睛、鼻同嘴！
