4個蕭正楠成滿分男友原因 點樣氹得女友開心？
廣告
蕭正楠（Edwin）與黃翠如拍拖3年，經常被身邊朋友、網民催婚。早前黃翠如37歲生日，Edwin特地準備咗心型蘋果樹蛋糕，象徵佢同翠如因定情之劇《師奶Madam》飾演羅大樹與花蘋而相戀，勁有心思！其實，Edwin係點成為一個100分好男友，可能係因為以下原因！
蕭正楠成滿分男友4大原因
｜生活離不開「魚」
作為藝人當然會不時飛到外地工作，蕭正楠之前要同曹永廉、胡定欣及姚子羚到外地拍攝《兄弟姊妹去旅行》，離開香港一段時間。
Edwin臨出發前更向網民呼籲：「記得幫我餵魚」，而「魚」就是黃翠如嘅花名，未出發就已經掛住女友，可想而知Edwin對翠如嘅思念係滔滔不絕！
就算只係啱啱飛到外地，但個心就依然留咗喺香港，喺IG不時留言「反而有少少思鄉病！我現在是面向香港嗎？」、「我要飛返香港」等，表現出急不及待回港嘅心情，當然原因亦只有一個，就是掛住女友黃翠如！
｜常與女友大講情話
早前黃翠如37歲生日，翠如爆出兩人之間嘅親暱稱號，就是「蕭一」同「黃二」！就算男方名叫「蕭一」，聽落似係個老大，但就對黃翠如呢位「黃二」於生活上非常貼心。
二人不時就會喺個人社交網隔空留言，Edwin更唔介意喺廣大網民前大講情話，例如：「尋人啟事，好重酬！」、「whenever the fish are, that’s where we go.」等情深說話，氹得女友非常開心！
｜愛屋及烏
黃翠如屋企養咗一隻細細隻又好可愛嘅松鼠狗，叫黃小六。蕭正楠不但愛錫黃翠如，有時間亦會幫忙照顧小六，喺Edwin個IG度就不時會出現佢照顧小六及同小六玩嘅相。
Edwin曾經Post出與小六「一家三口」嘅合照，望落就儼如一對恩愛夫妻！
｜經常稱讚女友
Edwin耐唔耐都會喺個人社交網留言大讚女友，女仔就當然鍾意俾人讚，特別係俾自己男朋友，所以翠如聽到自己男朋友讚自己就梗係會開心啦！
