何廣沛遭狠批演技浮誇 網民：「佢啲演技真係睇到都覺得尷尬！」
TVB藝員訓練班出身 何廣沛演技遭狠批
今年30歲嘅何廣沛係無綫電視第26期藝員訓練班出身，外形俊朗正氣，而且近年獲力捧上位不停劇接劇，照計演技唔會太差，不過喺新劇《跳躍生命線》嘅演出反而俾一眾巴打鬧爆喎！
有唔少TVB藝人都捱咗十幾年先有得出頭，但何廣沛就好好彩，藝訓班畢業後好快就可以客串好多劇集，喺《愛·回家》、《神鎗狙擊》、《情逆三世緣》、《My盛Lady》等劇集都可以見到佢嘅身影。
何廣沛演出愈來愈多，好快已經有份提名《萬千星輝頒獎典禮2016》「最佳男配角」同「飛躍進步男藝員」，舊年喺《TVB 馬來西亞星光薈萃頒獎典禮2017》拎埋「最喜愛 TVB 飛躍進步男藝員」添！上位都好快吓！
「佢啲演技真係睇到都覺得尷尬！」
何廣沛遭網民狠批演技浮誇
雖然何廣沛俾大台力捧，不過演技就尚未得到廣大市民認可，仲有網民話佢演技太浮誇，令人睇得好尷尬呀！
何廣沛劇集接到冇停手
於新劇《白色強人》演醫生
何廣沛作為上位中嘅男藝人，拍劇機會梗係多到爆，嚟緊喺新劇《白色強人》、《哪吒與楊戩》同《包青天再起風雲》都會再次欣賞到佢嘅演出，希望到時佢嘅演技可以喺大家心中飛躍進步，得到認同啦。
延伸閱讀：
《跳躍生命線》被揭四大漏洞位
《跳躍生命線》今個星期首播，大家都慨嘆李佳芯第一集出場就死去相當可惜，不過亦網民將重點放到劇集內容真確性上。一個以救護員為主嘅群組熱烈討論劇中「膠位」，依家就一齊睇睇有咩「膠位」！
太過矯情
劇集講到一個爆炸場面，馬德鐘嘅小隊率先到達現場，馬神立馬觀察現場情況後，就即刻大叫一聲「消防處救護員」，幾有氣勢！不過就有該群組網民指該幕相當「膠」，皆因大叫嗰下未免太過矯情！
孭起傷者有錯
其後，馬神更喺抱起傷者前冇對傷者做任何身體檢查，明顯又一個謬誤。不過就有人為該幕辯稱指當時嘅情況危急，大家咪睇下馬神都英勇抱起傷者，可必咁認真喎！
用手檢查救護車？
另外，有一幕講到救護員檢查救護車時，劇中嘅泰仔只用手而冇使用儀器檢查救護車，結果又被網民質疑。
制服有所出入
由於劇集一開始係時光倒流去10年前講起，有網民就指出若然係10年前嘅話，馬神身上嘅制服亦有出現錯誤，因10年前嘅制服嘅「柴」係相對較粗，但劇中嘅制服就相對較幼，似乎有所出入。
雖然有眼利網民睇得出以上漏洞，細節位仍未能盡善盡美，但亦有網民撐指今次劇集嘅製作已經係超越以往TVB嘅製作。唔知大家認唔認同，不過相信今次劇集依然值得大家捧場支持一下嘅！
