結婚8年 高齡懷孕 44歲利嘉兒 誕7.2磅囡囡
撰文：東方新地 圖片：新傳媒圖片、利嘉兒FB
44歲利嘉兒 誕7.2磅囡囡
利嘉兒(Lily)與老公Bong結婚8年，今日，佢宣布終於生咗B女喇！原來Lily於上星期三在舊山頂道嘉諾撒醫院為從商的丈夫誕下女兒，BB重7.2磅，已改名為劉書雅，英文名叫Karyssa。
B女喺中秋前出世，Lily可以出院回家慶祝，首次一家三口過中秋節，真係恭喜晒！
臨生之前一個月，利嘉兒都影咗輯靚靚孕照留念！
有養狗多年嘅Lily話陀B到BB出世，都會照養狗仔，絕不棄養！
BB床走型格灰調
準媽媽都細心為囡囡房間佈置一番，佢仲話「唔一定每個女仔都要做pink lady嘅」，以灰色做主色一樣好靚好型格！
Little Miss Hong Kong
除咗佈置房間，佢買咗TVB早前推出嘅「Little Miss Hong Kong」迷你權杖及后冠，等B女一出世就成為Miss Hong Kong！
利嘉兒 自爆曾兩次小產
現年44歲的利嘉兒(Lily)2010年下嫁從事製衣有米老公後，努力多年終於造人成功，之前呢位孕媽出席時裝展，扮到靚一靚出席，有老公傍實到場，更乖乖穿上平底鞋，利嘉兒笑謂見到鍾嘉欣陀B 5個多月依然弗爆好生羨慕，自己4個月肚比嘉欣更大﹗
Lily又爆當日陪她出席活動嘅老公超級緊張，禁止她染髮、塗甲油同化妝，不過Lily話：「我問准醫生，話check清楚啲用品成份安全就冇問題﹗」
利嘉兒一臉喜悅公布喜訊，但原來結婚八年曾試過兩次小，Lily話：「之前失去BB時，我好唔開心，爆喊，醫生話查唔出咩原因。後來，我好努力調理身體，兩年後再有咗，但又冇咗，真係好有陰影，好驚。今次終於成功，因為我屬高齡產婦，醫生要我抽血，知道冇遺傳病，未問胎兒性別就放心離開，所以要下次產檢再問醫生係仔定女。」
未公布喜訊時，利嘉兒冇聽從老公的禁止令，穿上高踭鞋性感現身，難怪向來低調嘅老公當日前傍住利嘉兒現身時裝活動。
愛靚嘅利嘉兒上月慶祝生日時，依然腳踏四吋高踭鞋，她自言是一個唔乖嘅孕婦，懷胎初期因為胃口差而偷食雪糕。
