原文：環球膠報｜圖片：Instagram

最乞人憎嘅5種IG Story？

第5位：毫無意義嘅Post

有啲人明明一句說話，但就要一個字一個Post，六個字就六個！

你要啲咩呀！！！

點解唔可以一次講完？

好，我已經唔想聽了！人哋本身諗住關心吓你，你竟然咁樣玩！

第4位：文字唔重要，只想晒命

唔知有冇睇過一啲影自己揸車嘅Story，直接晒命都算，偏偏要打「討厭塞車…」、「下大雨了」呢啲說話。明眼人一睇就知佢想晒命，如果唔係影車外塞車嘅情況就得啦！

第3位：字要放到最小，仲要喺最不明顯處

用黑底嚟表達自己嘅唔開心，都係想人關心吓，但有啲人就好鍾意咁樣玩！

第2位：無病呻吟，全世界都欠你

呢種類型有如李白作詩，有個好嘅意境，影張扮嘢相，再配上自怨自艾嘅字句：「這世界沒有人懂我…」其實係想表達咩？

第1位：圖文不符，只是想Post相俾你睇

Post相可以，但都要圖文相符呀！放一張去玩嘅相，但話：「心情好差」，究竟你係點表達你心情差呢？

講到尾，唔想睇咪唔睇就得啦！

同場加映之經典重溫：

李司棋教大家潮玩IG

今時今日科技發達，玩社交網站將乎係每個人必做的事，而一眾藝人就更加要密密update，同班粉絲緊密互動！李司棋 (司棋姐) 原來不讓年輕人專美，早前開設Instagram，亦唔係hea玩！相片種類夠晒豐富，和服日本妹look、黑絲晒美腿仲有食好西selfie樣樣齊，「香港公主」果然厲害！

雖然唔少年輕人會覺得長者比較落伍，不過67歲司棋姐就用行動話俾大家聽佢可以跟上潮流！司棋姐開設個人IG，藝人楊怡、鍾嘉欣、阮兆祥和陳敏之等都有follow！

李司棋化身為「黑絲棋」

司棋姐IG唔算更新得好密，不過相片種類包羅萬有，最令人驚豔的莫過於佢向「黑絲儀」江美儀挑機，向網民分享黑絲靚相！其中一張就係佢全紅打扮配黑絲，仲識學時下年輕人擺番個「扮長腿」的甫士，佢都留言話自己係個「酒紅色女子」！李司棋化身為「黑絲棋」！

另一張又見到司棋姐黑絲配花花鞋，擺番個靚甫士！

轉身變日本妹

之後又見到司棋姐著起和服、set好個靚頭成個日本妹咁，捧起碗沙律賣萌，表情真係一絕！

估唔到司棋姐啲自拍技術都幾唔錯喎！食個薯條都要selfie一番，的確同時下年輕人無異！

延伸閱讀：

孖辮正妹彩虹被捕獲 網民質疑唔係港人兼報細數…

點止要敲門？ 10項不可觸犯的酒店禁忌