隊友硬撬牆腳 Super Girls Heidi 轉冧土豪大叔

撰文：東方新地｜圖片：新傳媒圖片庫、Heidi IG

Super Girls 姊妹反目

五人女子組合Super Girls，五位成員2010年出道時因為個個夠嫩口兼愛晒長腿，出道不久已備受網民追捧，當中現年27歲憑住一對大眼睛兼白滑長腿完勝的Heidi人氣高企，成功俘虜大批宅男，受歡迎程度遠遠拋離其餘四位成員。

不過，世事無絕對，人氣高又點，Heidi卻被隊友硬撬男友慘成感情輸家，14年已經同SG御用有米監製Gareth發展地下情的Heidi，拍拖唔夠一年，有指Gareth難頂其港女性格提出分手，不過，去年卻爆出原來Gareth同另一隊員Yanny撻著，Yanny更同Gareth高調熱戀，畀姊妹硬撬牆腳的Heidi嬲爆兼取消追蹤對方IG，本來已經夠慘，但公司為保形象下令封嘴，令Heidi有冤無路訴惟有寄情工作。

企街嬲爆爆

據知情者透露：「Gareth同Yanny鬼咁高調，Heidi覺得Yanny處心積慮搶自己男友，情緒大受打擊，同Yanny擘晒面，就算一齊工作都面左左。」

打扮騎呢

不過，時間可以洗走傷痛，身為宅男女神，點會冇人追事隔大半年Heidi已經再投入愛情，有拖拍不愁寂寞。上周二(5月29日)，Heidi出席完中環Chanel活動，即火速會新歡。

主動出擊

當晚約八時半，Heidi做完嘢由助手陪同行去中環碼頭等候，未幾新歡揸住寶馬來接她，之後一齊到Soho區一間意大利餐廳撐枱腳，不過新歡類型同前度截然不同，男友肥胖外形加埋一身花恤衫，還有兩條金屬褲鏈，粗邊黑框眼鏡搭埋對耳環，睇落似足土豪大叔。

迫女友食二手煙

不過新歡騎呢打扮卻未影響二人拍拖雅興，行去Soho區期間，Heidi更情不自禁搭住新歡肩膊行，由於餐廳滿晒座，二人坐埋一邊等位，期間更黐到實密密傾，正所謂，舊嘅唔去新嘅唔嚟！改愛大叔不愛才子，口味轉得好快！

被稱為「平板女神」的Heidi，雖然經常被網民取笑其平板身材，但憑住白滑修長美腿，與精緻五官，在女團中一直人氣最高。

H E I D I 李靜儀（@heidibibe）分享的貼文 於 PST 2018 年 2月 月 16 日 下午 7:56 張貼

日前，Heidi坐遊艇出海，刻意露後唔露前，女神晒白滑美背一樣成功吸睛。

H E I D I 李靜儀（@heidibibe）分享的貼文 於 PDT 2018 年 5月 月 19 日 上午 6:05 張貼

閨密變仇人

五人女子組合Super Girls，出道時5個組員情同姊妹，Heidi同Yanny更加係閨密，但自從發生搶仔事件，Heidi同Yanny姊妹反目，為工作才合體，私下零交情。

硬搶男友

去年爆出被隊友Yanny硬撬監製男友，令Heidi大受打擊，更嬲到取消follow Yanny，姊妹因而反目。

Gareth Chan 陳考威（@garethchan）分享的貼文 於 PDT 2017 年 9月 月 26 日 上午 6:37 張貼

IG洩密

又難怪Heidi咁嬲嘅！四月Gareth生日，Gareth和Yanny分別在IG po出在日本企喺櫻花樹下的照片，明眼人一睇就知二人身處同一地方。

Gareth Chan 陳考威（@garethchan）分享的貼文 於 PDT 2017 年 4月 月 15 日 上午 10:07 張貼

Yanny@SuperGirls 🎬🎤💃（@yannyyc）分享的貼文 於 PDT 2017 年 4月 月 21 日 下午 11:50 張貼

Heidi被嘲胸似背脊⋯⋯

近日Heidi喺社交網上載咗法國旅行照，相中見佢着住件長袖大露背衫，勁騷白滑玉背，畫面好吸睛！不過呢啲時候總有口賤網民出現，留言問「有冇(人)話我知呢個係正面定背面？」

H E I D I 李靜儀（@heidibibe）分享的貼文 於 PDT 2018 年 6月 月 4 日 上午 12:20 張貼

神回應自抽獲讚EQ高！

點知Heidi BB自嘲回覆話「你鍾意既(嘅)都可以話係正面」，似乎大方承認自己身材真係好平，但又無嬲豬喎！

做Gym倒奶有啲睇頭

天時暑熱，早排Heidi喺社交網上載咗條做Gym嘅片，片中見到佢着住白色運動Bra Top大騷纖腰，展示辛苦做運動得嚟嘅成果！但重點喺佢舉鐵嗰陣不時倒奶，其實都有啲睇頭吖！

喺教練指導下，Heidi挺胸收腹！

Heidi舉鐵真係好落力，舉到變哂樣！

H E I D I 李靜儀（@heidibibe）分享的貼文 於 PDT 2018 年 5月 月 31 日 上午 4:13 張貼

其實佢間唔時都會同大家分享做Gym嘅片，見佢落力做，難怪咁fit啦。

H E I D I 李靜儀（@heidibibe）分享的貼文 於 PDT 2018 年 5月 月 1 日 上午 3:15 張貼

H E I D I 李靜儀（@heidibibe）分享的貼文 於 PDT 2018 年 5月 月 21 日 上午 3:14 張貼

H E I D I 李靜儀（@heidibibe）分享的貼文 於 PDT 2018 年 4月 月 11 日 上午 4:22 張貼

恥笑身材事件簿

如果講番Heidi被網民嘲笑身材事件簿，一定要提兩年前的香港先生選舉！擔任嘉賓的Heidi一襲蕾絲長裙，長腿與上圍若隱若現，高貴又性感，完美呀！

不過等等先.. 另一個角度睇就穿晒煲啦！一向身材平板的Heidi搏到盡谷胸，不過衰在太貪心，加得太多墊搞到離晒罩，成件事錯晒！下次Heidi都係揀番件適合自己嘅晚裝啦⋯⋯

仲有呢張「代表作」…

改晒靚背無得輸！

其實人最緊要認清自己優點，上圍唔「胸」湧又有咩所謂！Heidi BB身材高佻又平均，肌膚白滑，所以佢就決定唔哂咁多胸，改哂靚背！今年新年時，Heidi大放福利。牛仔褲再搭一件性感上衣，大晒玉背，把她嬌嫩白滑的肌膚表露無遺！

之後的年初四，她仍不忘大晒性感，除了美中不足是上圍未夠豐滿外，其他部位都是100分的。

同日繼續發放玉背圖，在泳池中回眸一望，仙氣湧現！

在年初五那天她上載了自拍照，大家有無發現同一副太陽眼鏡掛在Heidi胸口多天嗎？

年初六，再放泳池玉背圖，大晒長腿。

初七又有一張，今次騷性感小肚皮。

之後隔咗幾日，終於有正面睇啦！

小編就覺得Heidi BB樣子甜美，著衫又好睇，唔係下下露胸先靚嘛！

H E I D I 李靜儀（@heidibibe）分享的貼文 於 PDT 2018 年 4月 月 30 日 上午 6:04 張貼

H E I D I 李靜儀（@heidibibe）分享的貼文 於 PDT 2018 年 5月 月 15 日 上午 4:23 張貼

H E I D I 李靜儀（@heidibibe）分享的貼文 於 PDT 2017 年 6月 月 23 日 上午 2:52 張貼