撰文：東方新地｜圖片：新傳媒圖片庫、康華微博、tvb美女廚房截圖

深宮計 演「南宮司設」

康華在TVB期間長期演出反派女配角，雖然未曾擔任女主角，但多次演出青樓女子、奸妃的她反而更深入民心。最近她正於熱播中《宮心計2深宮計》飾演「南宮司設」，是四個司設中最冇機心、和善的一個！

康華沙灘煮飯

TVB再拍《美女廚房》，有不少片段在網上再受討論。當年康華同張慧儀跟住獎門人曾志偉同三位主持人鄭中基、方力申、梁漢文去到泰國比拼廚藝，喺沙灘上著住三點式比堅尼煮飯，雖然有點「雞手鴨腳」，但都比依家嘅嘉賓有「睇頭」得多！

06年《美女廚房》泰國篇，在「獎門人」曾志偉帶領下，鄭中基、方力申和梁漢文三位主持比起現時的TVB主持更加不會憐香惜玉，批判時更放肆狠毒。

眾衆女要拎住有限金錢自己去街市買餸，結果康華買咗兩碌蓮藕炒雜菜，出奇地美味，成功奪冠。

著住三點式泳衣煮飯，真係難得一見，唔知依家啲TVB花旦有冇咁搏？

嘉賓中仲有張達明同張慧儀！

畀咁多美女包圍，睇獎門人笑得幾開心！

張慧儀 華姐入八強

92年張慧儀參加馬來西亞怡保區華裔小姐獲得冠軍，之後在93年代表馬來西亞怡保參選國際華裔小姐，打入最後八強，雖然未能奪冠，但獲得無綫賞識簽佢成為旗下藝員。同年拍第一部處境劇《開心華之里》戲份好重，之後演出不斷，演過的劇集包括：《廉政行動1994》、《新重案傳真》、《阿Sir早晨》、《刑事偵緝檔案》、《壹號皇庭V》、《陀槍師姐IV》等，但最經典都係真情入面，一人分演兩個角色「李彩瑤」同「吳芳貴」啦！

張慧儀都拍過好多電影，不過最為人記得就是接拍了王晶的電影《強姦3OL誘惑》及《原始武器》，她因而獲得「性感女神」的稱號！

康華性感的那些年⋯⋯

至於康華，不知不覺她已52歲，當年她出身於香港演藝學院舞蹈系，因為參選1994年香港小姐而加入TVB，多年來她拍過不少劇集，但未嘗過做女主角滋味。儘管如此，每次演出她也恰如其份演好自己的角色！

此外近期最令人印象深刻的角色，是2015年《刀下留人》的萬貴妃。

那些年，康華真係好鬼搏，出席公開活動一定背心Deep V！

又試過出席活動記招，一見到攝記即刻拉低件衫，變成露肩裝，戰鬥格十足！

其實康華早在她出初出道時期行小性感，工作都博盡唔錫身，她多次應本刊邀請做專訪及影性感靚相。

康華雖未有非常標緻的樣子，但擁34C上圍的她身形勻稱，而且康華樣子清秀，更獨有種性感又風情萬種的女性氣質！

康華曾透露身邊有唔少追求者，大部份年紀都細過佢，不過佢一直專注事業同家庭，所以選擇咗放棄愛情。

康華出名係孝順女，為咗照顧患病嘅雙親，要身兼幾份副業，包括教跳舞，仲試過拍劇偷偷地攞多份飯盒，留做下一餐，慳得就慳，加上她密密接JOB登台拍劇，山大斬埋有柴，買吓樓投資絕對不足為奇，難怪會成為娛圈小富婆！

46歲康華 凍齡秘訣

康華與《深宮計》「一局四司」美魔女結成好朋友，而她們也會交換美容及養生心得，她的保養的秘密全靠多運動，難怪康華一直保持靚絕身形，所以話，女士們要靚冇得偷懶㗎！