爭贏唐詩詠 洪永城同場寸爆馬國明
廣告
洪永城13年拍《載得有情人》時力追「不能錯過的女友」唐詩詠，終於俾佢得米追到手，坐正做男友。不過有人歡喜有人愁，同唐詩詠以契哥契妹相稱的馬國明，只能繼續做兵，默默守護契妹！日前Tony同馬明以「情敵檔」出活動，兩人於台上冇交流冇偈傾，台下接受訪問時更互寸不和到出晒面！唐詩詠夾晌兩個男人中間，好難做喎！
延伸閱讀：
吳幸美《東張》試酒片hit爆
意大利拍戲 驚現兩個梁朝偉！
洪永城同唐詩詠拍拖3年，雖然外界一直唔睇好，亦曾傳出洪永城偷食蔡思貝，但兩人感情反而越趨穩定，早前有傳兩人已去到同居階段，更一齊去西半山睇樓！
唐詩詠同洪永城打風打唔甩，難為契哥馬國明又要繼續食自己！日前馬明同洪永城一齊出騷，兩個一人一句互窒，盲嘅都知不和！提到活動酬勞，馬明勁寸話對方收得貴，仲踢爆依家人人叫洪永城做「一哥」；而洪永城都不甘示弱，晌情敵面前自爆同唐詩詠嘅sweet事，又話會分番今次酬勞俾女友，搞到馬明勁葡萄！
