離開TVB後北上發展嘅吳卓羲，近年內地劇一部接一部，開始在國內儲落唔少粉絲。日前吳卓羲新劇《結婚為甚麼》即將出街，身為男一嘅佢當然要現身宣傳。當年為TVB宣傳劇集，最多都係玩下遊戲影下合照，但內地就唔同玩法喇！早前吳卓羲去深圳宣傳新劇，要當眾跪地扮求婚，仲要同女主角咀嘴！雖然應該會係借位，但咁樣宣傳又真係幾激喎！