方皓玟為內地遊客爆seed怒轟士司機 網民一面倒狠批：好X偉大啊？
廣告
香港嘅的士服務質素近年一直備受關注，唔少人搭的士時更會遇上不禮拜對待嘅情況。日前（3日）歌手方皓玟就在街上目擊一名的士司機對一名內地女遊客大聲斥責事件，方皓玟為該遊客代為支付50元的士費後，更在社交平台上發文狠批睇個司機唔順眼……
方皓玟發文狠批士司機冇風度
方皓玟在其社交平台上進一步解釋事件的經過，並寫道：「今日幫一位內地女遊客俾咗$50的士費。原因係因為她沒帶現金喺身，個的士司機，不停鬧佢，我真係睇唔過眼，人哋已經叫緊朋友攞錢嚟俾佢，叫你等一陣，使唔使擘大喉嚨咁鬧人，香港人嘅待客之道就係咁樣嗎？希望真係只得你係咁。如果個個都係咁，呢個城市有點可悲。又不是得罪你，只係遲少少俾錢。真的咁大問題嗎？」方皓玟隨後亦表示「如果個個都係咁，呢個城市有點可悲」。
方皓玟嬲爆怒轟司機：睇你唔順眼
方皓玟對該名的士司機的行為感到非常不滿，更在文中直言：「我見到就扯火。最激氣嘅係，當我行過去俾錢個司機嘅時候，佢問我你係佢朋友咩？點解要幫佢？我就覺得呢個人心地真的很差。我話，我唔係佢朋友，但我睇你唔順眼。」再次憶述在現場爆seed怒轟睇該名司機唔信眼一事。
網民一面倒反轟方皓玟虛偽
對於方皓玟於社交平台公開此事，亦火速引來唔少網民熱議：「如果你真心幫人，你會唔會上網公開講自己幫咗人？我反而睇到流量密碼。我知供樓好辛苦，但亦睇到好虛偽」、「去旅行點都會帶定啲當地貨幣啦，代比好撚偉大呀？」、「的士司機係X街，但都係個句啦，你去其他國家會唔會唔帶當地貨幣呢？用下個腦先罵人啦⋯⋯唉」、「如果張單多過$500，你又會唔會代遊客俾錢，咁樣話佢的士司機呢 ？」、「有無報東張西望？」
