劉德華超高式戴帽法引熱議 網民分析5大爆笑原因 原來10年前已係同一造型
廣告
現年63歲的天王劉德華近日現身支持劉嘉玲及黃子華主演的舞台劇《香港式離婚》時，大方同鍾鎮濤及楊千嬅合照，但相中他戴cap帽的造型卻意外引起網民關注，有網民好奇問：「點解劉華成日戴帽戴到咁高？」
劉德華戴帽風格引網民好奇分析5大原因
劉德華在近照中的帽子戴法引起了網民的注意，有網民問：「點解劉華成日戴帽戴到咁高？」這個問題在社交平台上引發了熱烈討論。從他支持的舞台劇《香港式離婚》時與鍾鎮濤及楊千嬅的後台合照來看，劉德華不僅戴上了黑色的cap帽，而且帽子戴得異常高，為此網民分析出5大可能的原因：
1.收藏物件
有網民搞笑猜測劉德華帽內其實另有乾坤：「唔通收埋支道地喺入邊又要話你聽咩？」、「入面放銀，鎖匙，電話，紙巾？」、「有法寶的」等。
2.頂帽自動移位
有網民就講出自身經歷，猜測劉德華頂帽原本冇戴到咁高：「因為呢啲帽唔知點解唧唧下會愈唧會上（一開始戴上去時係戴到貼頭），有冇人同我一樣？定係我個頭太奇怪」。
3.mk戴帽法
有網民就指這種戴帽法早在廿年前已流行：「千禧年嗰陣好興既mk戴帽法」、「二十年前流行的港女MK look」，但亦有網民反駁：「葛民輝都係咁戴，但佢好型唔mk！」
4.唔想整亂個頭
最多網民支持的說法是因為劉德華唔想整亂個頭，更指出劉德華曾做過理髮店：「可能大家唔知劉生係TVB雪藏期間做過理髮店，所有佢對自己嘅髮型非常執着，咁樣戴帽肯定係唔想整亂個頭」、「佢驚壓扁自己髮型吧」、「可能係要戴帽嘅feel，又唔想整亂頭髮瓜」、「因為set左頭」。
5.保持劉華style
有網民就認為這是劉德華的style：「隨心放頂帽上頭頂，源自於黑人hip hop文化。佢平時啲便服都有呢類型culture ，但因為佢係劉德華大家都冇專登去留意佢其他細節。」更有網民搵出劉德華的舊照，指出其平日亦會將頂帽戴得咁高：「Fact check咗，真係會戴到咁。」
10年前拍《我少女時代》已係同一造型
睇翻同一日劉德華與劉嘉玲及黃子華合照時就除低了cap帽，相中他的確有set頭。而且劉德華的這種獨特的帽子戴法，原來早在2015年客串電影《我的少女時代》時出現過，成為了他的一個獨特標誌。
