皇仁歌唱比賽揼本請Ivy So做嘉賓 曾邀請過另一「重口味」女歌手

皇仁揼本邀請Ivy So同Candy做嘉賓

皇仁日前在社交平台發佈消息，星期四（23/1）1500於學校禮堂舉行歌唱比賽決賽，邀請到COLLAR成員Ivy So同Candy做嘉賓，其中Candy更留言表示「到時見」，令一班網民都表示非常羨慕：「可唔可以辦理臨時學生證呀？」、「希望咁多位同學仔睇得開心」、「可惜我唔是皇仁書院學生」等。

皇仁3年前邀請另一「重口味」女歌手做評判

皇仁在2022年曾經邀請過另一女歌手擔任歌唱比賽擔任評審，而該位女歌手就有「陀地歌姬」之稱的Serrini（梁嘉茵）。Serrini當時在歌唱比賽中不但開講座教育台下仔仔尊重女性的重要，又趁機宣傳她代言的衛生巾。

教名校仔仔尊重女性

Serrini先向台下學生介紹關注性暴力的機構「風雨蘭」，並講到有關「consent（同意/許可）」的重要性：「即係對方同意你先去做，或者去尊重人哋say no嘅意願。其實唔一定關於身體、性別，我出嚟讀書或者做嘢，發現好多人都唔知咩係consent。」

Serrini於男校分享點靠M巾溝死女

Serrini更自爆從小的「志願」：「我從小嘅理想同興趣，就係喺男校度講女性衛生用品。」最近代言了衛生巾品牌的她，更趁機呼籲台下學生要到其社交網站like和留言，推高IG Post的流量。

接著再教曉台下一班男校學生，如何得到女性的喜愛：「例如當你見到身邊嘅人流血，唔係問對方係咪受傷，而係話幫對方去買一啲（衛生）用品，話俾你聽，呢啲溝死女！尊重女性點解咁重要，並唔係人哋逼你，係因為會令你變成一個非常之受歡迎嘅男士。」

召喚皇仁仔仔推衛生巾帖文

事後Serrini在其IG的衛生巾廣告帖文下留言：「皇仁仔你地又話今日聽完女性健康/m到/consent個talk之後留言嘅，I’m waiting 大家今日有無唔記得重點」，除了吸引到皇仁學生讚好及留言，有網民更建議：「皇仁仔仔都可以買嚟索下汗㗎」，非常搞笑。