林盛斌晒溫馨照豪宅意外曝光 超大落地窗騷巨型花園獲讚有財力！
廣告
45歲林盛斌（Bob）向來有「金牌司儀」的稱號，Bob除咗係藝人、演員及主持外，仲係娛樂公司老闆，係圈中嘅吸金王！而林盛斌亦十分愛錫仔女，仲連環為屋企人升級住所，越搬越大簡直係羨煞旁人！適逢國慶放假，Bob就晒出一家六口打麻雀嘅溫馨照片，仲意外曝光埋豪宅嘅一角！
林盛斌豪宅大到有花園
林盛斌日前趁住國慶假陪老婆仔女打麻雀，更影低溫馨一幕擺上社交平台。不過網民就注意到林盛斌老婆身後嘅超大落地窗，以及窗外嘅花園，豪宅曝光亦令大家紛紛留言表示羨慕：「呢個落地窗不得了」「屋企嘅一角已經放得落麻雀枱，其他地方應該仲大」「簡直係豪宅咁」「出邊仲有花園，認真有米」
陳敏之爆林盛斌身家超驚人
林盛斌向來都係圈中嘅吸金王，百足咁多爪嘅林盛斌仲曾被好友陳敏之爆身家已超過10億港元！而林盛斌更於2022年逆市換樓，搬離九龍塘嘅三層獨立屋，並於同年帶住一家六口升級進駐到擁有超巨花園嘅豪華住所。不過除咗豪宅，林盛斌還擁有多輛靚車，並且在海外有置業，生活可謂是相當優渥!
撰文：東方新地圖片來源：Ig@bob_lamshingbun
