鄭伊健英國演唱會獲黃偉文7字激讚 仲有1女神追星成功
廣告
鄭伊健於7月6日首次到英國開演唱會,吸引大批歌迷到場支持,鄭伊健亦一連唱出多首經典金曲《我的歌》、《你的我》等。除了好友黃偉文、KOL嘉盈到場支持之外,太太蒙嘉慧亦罕有現身支持!
鄭伊健英國演唱會3度感動哽咽
鄭伊健首場英國演唱會剛好撞正歐洲國家盃英格蘭對瑞士球賽,不過台下依然有好多香港人到場支持伊健,伊健連聲感謝入場的歌迷:「好難得你哋選擇唔睇波,嚟睇我演唱會。」為了答謝在場歌迷熱烈的支持,伊健兩度Encore,在唱到《我的歌》時更忍不住感動哽咽。
![鄭伊健 伊健兩度Encore,在唱到《我的歌》時更忍不住感動哽咽。(圖片來源:大會提供)](https://imgs.orientalsunday.hk/wp-content/uploads/2024/07/img_1481_1223500927668ca08b68b6a.jpg)
黃偉文發長文激讚:「最無被世界改變嘅人」
填詞人黃偉文今次亦有到場支持鄭伊健,演唱會過後亦在社交平台發文大讚鄭伊健,指與伊健已經認識將近30年,而鄭伊健是自己認識的人之中「最無被世界改變嘅人」:
相識接近30年,從來未試過同枱食飯,相熟程度自從我冇做DJ嘅1998年開始,一直以「每5年傾到3分鐘偈」嘅速度爬行,但冇壓力,因為冇預定要去嘅目的地。
亦完全無損「工作時互相信任、做人時互相尊重」嘅優雅距離,係,即係有距離,但係係優雅嘅。
欣賞嘅人,唔使個個都做到好朋友嘅。
我欣賞佢咩?佢係我識得嘅人𥚃面,其中一個「最初心」「最無被世界改變嘅人」。
網民反應熱烈:其他人只配做「大灣區哥哥」
網民都紛紛留言表示認同,指鄭伊健多年來保持初心,沒有像其他藝人北上發展,是香港人心目中「永遠的浩南哥」:「真的「最無被世界改變嘅人」先係最珍貴」 、「有幾多人可以隨心生活,名利係緊要,但夠用就好。以上道理好多人都明。但真係做到又有幾多人。伊健係好嘢」、「完全同意!係呢個時代洪流佢兩公婆仲Keep到自己」、「比那班大灣仔好很多很多」等。
![鄭伊健 網民感嘆其他《古惑仔》成員只配做「大灣區哥哥」(圖片來源:微博圖片)](https://imgs.orientalsunday.hk/wp-content/uploads/2024/07/-2024-07-09-10.33.12_1089370951668ca1817dd58.png)
圖片來源:IG@kaaying219、Facebook@黃偉文 Wyman Wong、網民留言截圖