神耆小子｜樊亦敏錄音爆笑料 鄭則士零排練浪漫共舞
由王偉仁（Simon）監製、林麗媚擔任編審的《神耆小子》，逢周一至五晚九點半翡翠台播映。昨晚（17 日）一集，劇情講到向來不咬弦的玫瑰（樊亦敏 Amy 飾）和繼來（曹永廉飾）難得合作，玫瑰出盡力幫繼來Sell 宣傳方案，惟天性多疑的大海（鄭則士 Kent 哥飾）懷疑二人扯貓尾，堅定否決宣傳方案。另邊廂，大海知道了玫瑰和小鮮肉 Jack（吳子冲飾）已經分手，大海念舊情決定原諒玫瑰，並約她重回初次邂逅的舞廳。舊時是歌手的玫瑰為大海冧唱《甜蜜蜜》，勾起大海對亡妻的思念及和玫瑰的邂逅經過，最後兩人浪漫共舞，場面溫馨。雖然表面證供出軌風波似乎告一段落，但其實玫瑰和 Jack 只是做了一場大龍鳳扮「斬纜」，玫瑰更行動升級買樓給 Jack！
首集一連換 8 個造型搶盡焦點的 Amy 姐，昨晚一集再獻新猷，化身歌女的她一口氣換上 5 套 Bling Bling 歌衫，加上一頭黑色大波浪髮型，懷舊味十足。講到相關場口，Amy 姐受訪時笑言：「呢場戲換咗好多套衫，但我就比較鍾意洪玫瑰現代個造型多啲，因為短頭髮感覺清新啲，同平時比較唔同啲。」至於與 Kent 哥浪漫共舞，Amy 姐說：「同 Kent 哥呢隻舞好浪漫，最特別嘅事就係其實我哋冇排過，完全係即席發揮。」足證二人默契十足。
提到大開金口獻唱《甜蜜蜜》，Amy 姐大爆錄音當日獲《中年好聲音》羅啟豪全程陪伴在側， Amy 姐說：「呢首歌係羅啟豪陪我去錄嘅，佢特別嚟同我打氣。」Amy 與啟豪早前因節目《大笪地唱不停》結緣，當時兩人合唱《緣份》。Amy 姐續指只用了十多分鐘便完成錄音，更趁機整蠱監製 Simon，她說：「錄完之後我打畀監製，我話：『冇呀，音樂總監叫我返屋企抖吓。』Simon 即時打畀音樂總監問：『係咪好大鑊呀？咁快就要走，唱得好難聽咩？』之後我再 message 問 Simon係咪好驚。」Amy 姐感激有機會獻唱劇集插曲：「多謝佢哋畀信心我錄呢隻歌，希望大家鍾意，亦都好多謝羅啟豪陪我錄呢隻歌。」Amy 姐還提供了當日錄音花絮片段，片中 Amy 姐問羅啟豪：「你覺得我唱得點樣？快啲講！」怕醜仔啟豪即舉起兩隻手指公說：「一個字，勁！」被氹得勁開心的 Amy 姐即撒嬌：「算你啦！」場面搞笑。
何沛珈再晒喊功
另外一場子勇（蕭正楠飾）以自身經歷開導有方（傅嘉莉飾）的場口亦相當感人，原來阿勇當年被打斷腿後意志消沉，曾想過擸刀襲擊大海復仇，幸好當時太
太（何沛珈飾）及時阻止才沒有鑄成大錯。深受網友喜愛的「東張女神」何沛珈雖然只是客串演出，但已大晒喊功，一字一淚勸阿蕭放棄報仇，演技愈見進步。想知道更多相關精彩資訊，敬請留意 www.tvb.com 。
