逆天奇案2|劉佩玥「麻煩友」上陣 方力申祕密險曝光 馮盈盈瘦身祕訣大公開
由劉家豪總監製、陳志江監製、岑國榮、孫浩浩擔任編審的《逆天奇案 2》,逢周一至周五晚八點半翡翠台播映。昨晚(4 月 30 日)播出一集,劇情講述警方發現 Perses(方力申飾演的冠峰暗網身份)在暗網與頂級僱傭兵集團有聯絡,森 Sir(陳展鵬飾)和 Nic Sir(黃智賢飾)獲委派成立特別小組追查事件;電腦奇才 Daniel(高鈞賢飾)獲邀加入小組協助解密工作。本來Daniel 因想與 Ana(馮盈盈飾)盡快離港結婚欲推掉工作,但阿 Wing(林夏薇飾)相約 Ana 請求她,終成功令 Daniel 和 Ana 留港並接下工作,成為警方對抗Perses 的重要武器!另邊廂,「麻煩友」夏悠倩(劉佩玥飾)再次出動搞搞震,冇晒錢使的悠倩向冠峰求助,冠峰不想節外生枝藉詞拒絕,可是悠倩咬住唔放,更意外發現冠峰虛報魏子樂(張頴康飾)的康復進度,拍下證據並向警方提供相關資料!
昨晚最搶眼一幕,非馮盈盈玩滑浪莫屬。以露腰潛水衣上陣的盈盈大晒零贅肉纖腰,Fit 到冇朋友!雖然滑浪場口只有短短數秒,但盈盈非常認真對待,事前更特意上堂學習滑浪,盈盈受訪時說:「之前都只係喺電影入面睇人哋滑浪,覺得好陽光好有型,自己滑浪都真係因為今次拍劇而第一次接觸,原來滑浪都幾好玩,拍完劇之後都想繼續學!」盈盈續透露拍攝當日天氣不似預期,增加了拍攝難度,她說:「當日陰天又大浪又大風,拍唔出理想中嘅陽光與大海嘅效果。過程都有啲艱辛,跟住我哋落水拍攝嘅攝影師同埋導演,佢哋嘅眼鏡都因為太大浪而被沖走咗,可想而知當日嘅海浪係幾咁猛烈,所以嗰啲衝浪畫面都係我哋成個團隊用汗水同埋心機捕捉返嚟。」至於講到無敵纖腰非常搶眼,修讀營養學的盈盈大方分享 Keep Fit 秘笈,還公開自創的神奇瘦腰特飲「奇異果青瓜乳酪」餐單,並詳細解釋特飲中每種食材的營養及功效。
「奇異果青瓜乳酪」餐單:
原味無糖乳酪:研究發現習慣每天吃半杯乳酪的女生,腰圍至少減少一吋。 這是由於乳酪中含有大量鈣質及益生菌,能促進腸道健康兼清宿便, 減少腹部脂肪累積。
![盈盈纖腰好吸睛!(圖片來源:TVB)](https://imgs.orientalsunday.hk/wp-content/uploads/2024/05/02_1473405226663308317d02d.jpg)
青瓜: 青瓜營養價值高且卡路里低,每碗只有 15 卡,0 脂肪,是非常好的減肥
食品。青瓜含有的果膠具整腸作用,能提高腸道蠕動,其富含的鉀質,亦有助去水腫。奇異果:奇異果是一種熱量低又高纖維的水果,每個只含約 45 卡路里。 奇異果含有蛋白水解酶,是一種酵素可促進消化。其中的非水溶性膳食纖維可以促進腸胃蠕動,有助瘦身和解決宿便問題。想知道更多相關精彩資訊,敬請留意 www.tvb.com。
![盈盈纖腰好吸睛!(圖片來源:TVB)](https://imgs.orientalsunday.hk/wp-content/uploads/2024/05/03_1794513217663308320bd38.jpg)