細路發脾四瞓地家長忍無可忍秤起

Mar 16 2016

其實全世界嘅細路都會發脾氣，不外乎大叫、喊到唔收聲及碌地沙，務求以扭計方式令家長屈服！日前，疑似南亞裔細路於W酒店門口鬧情緒，令其父母束手無策！

當時男童原本已被工作人員拉起身，點知聽到家人訓示幾句後，又再瞓地！

酒店工作人員梗係想第一時間說服並再一次拉男童起身，點知今次睬你都傻，你有你講，佢有佢瞓！

眼見愈來愈多路人經過，疑似男童父親即上前勸其快啲自行起身，細路當然繼續扮聽唔到！

而疑似男童哥哥(灰外套)亦出來好言相勸，不過無助解決問題，男童更開始踢腳及碌地沙！

男童爸爸見個仔話幾都唔聽，忍無可忍同哥哥一齊秤起個仔，以免被路人指指點點及阻住酒店做生意！

雖然成功將阿仔秤入酒店大堂，但男童情緒依然失控，更激動到雙腳離地及大叫！

有專家指出，小朋友無可避免會發脾四，但要有效管教鬧情緒嘅細路，關鍵係家長平日要耐心聆聽小朋友嘅需要及維持良好親子關係，增加子女對父母信任。

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

細路發脾四瞓地 家長忍無可忍秤起