早前本網報道佐敦夜場舉行女神大賽，獎金獎品豐富，仲有機會入娛樂圈，吸引幾十位「靚女」報名參加！昨晚，女神決賽圓滿結束，睇睇最後四強邊個奪冠成女神先！

冠軍得主 江凱晴

白色貼身短top襯熱褲仔，露出小蠻腰盡顯曲線身形，嘩…難怪一出場全場男士眼甘甘望實，掌聲同歡呼聲亦係最多！加上佢成晚大跳勁舞，扭腰趷籮贏得女神冠軍都算實至名歸！

慌死走光 廖曉彤

前短後長白色連身裙係幾有女神feel，但身形略胖，唱唱吓歌仲拉番高條裙，走光就唔好！

齋唱唔郁 余艾岭

樣子……ok啦，歌喉一般啦，而且着到咁密實，輸好正常。

跳到離罩 江沁儀

參賽者中最性感肯定佢，上身黑白低胸短裙仔配魚網絲襪，跳舞時裙襬飄飄吓，又踎低晒事業線兼差啲露底，全場起哄！期間愈跳愈high離罩露nude bra，雖然輸咗，但吸睛度爆燈，奪最佳才藝獎！

下頁續有花絮…

離罩兼晒黃牙

江沁儀自我介紹時，可以見到件衫根本唔合身，北半球同nude bra露晒出來！而獲頒才藝獎時，四萬咁口嘅佢露出棚黃咁咁嘅牙，好在當時黑媽媽，否則大家連隔夜酒都嘔番出嚟！

波夾DJ

江凱晴除了表現淡定，期間更波夾DJ哥哥，等對方揀首啱佢節奏嘅跳舞歌，嗱，人哋贏係有付出嘅！

全文完

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk