森美上「熊館」自爆抑鬱唔斷尾拍無綫劇做「老鼠俠」有領悟舉中指做回自己

森美深受後輩敬重

熊仔頭成功邀請到自己的偶像森美上「熊館」做嘉賓，一開始就讚森美是個好前輩，因為曾經上過「熊館」的余德丞與保錡@ERROR都異口同聲提及入行後一定要多謝的人是森美大哥，原來森美多年前認識保錡時，保錡是做茄哩啡，當時全場冇人理保錡，得森美一個與他傾偈，仲話當時覺得保錡幾靚仔，熊仔頭反應好大：「你認真㗎？」

森美森美仲記得認識保錡時他仍未正式入行。 — 森美仲記得認識保錡時他仍未正式入行。（圖片來源：YouTube@FHProductionHK影片截圖）

森美森美竟然覺得保錡幾得意同幾靚仔。 — 森美竟然覺得保錡幾得意同幾靚仔。（圖片來源：YouTube@FHProductionHK影片截圖）

熊仔頭大膽提問森美大方回答

熊仔頭在片中表示森美曾提過，要尊重所有受訪者，不過熊仔頭就大膽問及網上有不少網民批評森美「老屎忽、寸寸貢、認叻、講啲嘢content farm」，而森美亦大方回應：「係呀！係呀！佢哋講嘅嘢全部都啱，我成日都講啲content farm嘅嘢……而呢個係我嘅節目要做嘅嘢，我真係要搵唔同嘅content去同人講，不過我都要為自己攞番個公道，content farm同我有分別嘅，打個譬如我會將印度神童講嘅嘢mark低個日子，我就喺佢話發生嗰日講，大家睇吓係唔係……我會做資料搜集，做多啲嘢，我唔係content farm。」

森美熊仔頭話要問森美一條唔尊重嘅問題。 — 熊仔頭話要問森美一條唔尊重嘅問題。（圖片來源：YouTube@FHProductionHK影片截圖）

森美森美在網上討論區負面批評都唔少。 — 森美在網上討論區負面批評都唔少。（圖片來源：YouTube@FHProductionHK影片截圖）

森美森美對所有負評欣然接受。 — 森美對所有負評欣然接受。（圖片來源：YouTube@FHProductionHK影片截圖）

森美森美承認自己成日都講啲content farm嘅嘢，不過係工作所需。 — 森美承認自己成日都講啲content farm嘅嘢，不過係工作所需。（圖片來源：YouTube@FHProductionHK影片截圖）

森美舉中指講人生道理

對於與小儀合作多年，經常被指做上把欺負小儀，森美解釋只是為了節目效果，不過他也曾因太過份而令小儀當場爆喊，事後要反省及檢討。森美更用5隻手指來說明人生道理，往往人只會最喜歡看最短的大拇指被舉起，但他最喜歡最長的中指就不能隨便畀人睇，說時森美舉起的中指被打格，並說現在想做回自己：「劉德華都會有人唔鍾意、張學友都畀人話唱歌唔好聽……你冇可能取悅晒所有人，做返自己可能有人會鍾意你呢？」

森美森美話自己只係一個鍾意也文也武、認叻的人，不過唔係一個真正叻的人。 — 森美話自己只係一個鍾意也文也武、認叻的人，不過唔係一個真正叻的人。（圖片來源：YouTube@FHProductionHK影片截圖）

森美森美笑言自己其實是個麻煩大叔。 — 森美笑言自己其實是個麻煩大叔。（圖片來源：YouTube@FHProductionHK影片截圖）

森美森美舉中指剖析人生道理。 — 森美舉中指剖析人生道理。（圖片來源：YouTube@FHProductionHK影片截圖）

森美現在只想做返自己，唔會理別人點睇。 — 現在只想做返自己，唔會理別人點睇。（圖片來源：YouTube@FHProductionHK影片截圖）

重提當年做「老鼠俠」諸事不順

熊仔頭問森美何時「叮一聲」找到令自己變得快樂的方法？森美說：「我就係心裡面諗起蘇師傅話我行運㗎囉！佢明明話我呢十年行運，點解會咁樣呢？我喺嗰時拍過一套電視劇，嗰個過程當中發生咗好多峰迴路轉嘅嘢，政治嘅關係令到個劇有好多迴響，收視又唔係好高喎！當期時所有人都覺得嗰件事好差，好多人話點解你會拍咗嗰套劇呀？嗰套劇又搞到咁呀！好慘呀！咁我話唔係喎，明明蘇師傅話我呢幾年行好運㗎喎！」

森美森美擔正無綫劇《過街英雄》做男一，20年播出之時正值社會運動，他不諱言因政治關係令套劇有好多迴響。 — 森美擔正無綫劇《過街英雄》做男一，20年播出之時正值社會運動，他不諱言因政治關係令套劇有好多迴響。（圖片來源：YouTube@FHProductionHK影片截圖）

森美森美曾被指當年遇事業低潮，但他表示蘇師傅明明話佢行好運。 — 森美曾被指當年遇事業低潮，但他表示蘇師傅明明話佢行好運。（圖片來源：YouTube@FHProductionHK影片截圖）

做男一自我感覺良好懂自我欣賞就係行運

森美近年只在無綫劇《過街英雄》做過男一，劇集在18年開拍，不過成為倉底貨於20年才播出，森美飾演識得飛天遁地儆惡懲奸的「老鼠俠」，角色超現實被指好膠，當年仲拍埋黃翠如，負評無數，不過森美就有另一番體會：「我以前拍嘅電視劇或電影都好，我係唔會睇返，但我晚晚自己坐喺度睇返自己套劇，然之後哈哈哈喺度笑，跟住我話『點呀老婆？』佢話『我真係覺得你唔係好適合做戲囉！』喂唔係喎，我真係覺得好好笑，好鍾意喎！喺嗰一刻我悟到一樣嘢，嗰件事就算大家覺得係好差，而你都感覺到嗰樣嘢係好嘅時候呢，你就係最好運嘅時候，你懂得欣賞自己嘅人生你就係行緊運。」

森美森美在《過街英雄》拍住女一黃翠如，加埋個江嘉敏，唔怪得當年播出劣評如潮。 — 森美在《過街英雄》拍住女一黃翠如，加埋個江嘉敏，唔怪得當年播出劣評如潮。（圖片來源：無綫劇照）

森美套劇講森美遇上交通意外後，意外移植咗老鼠再造耳仔上身，結果一夜間聽覺、嗅覺、行動能力都大變，搞到變咗識得飛天遁地儆惡懲奸嘅老鼠俠！ — 套劇講森美遇上交通意外後，意外移植咗老鼠再造耳仔上身，結果一夜間聽覺、嗅覺、行動能力都大變，搞到變咗識得飛天遁地儆惡懲奸嘅老鼠俠！（圖片來源：無綫劇照）

森美角色設定勁誇張離地，森美覺得自己的演出好好笑，好鍾意。 — 角色設定勁誇張離地，森美覺得自己的演出好好笑，好鍾意。（圖片來源：無綫劇照）

森美森美大講人生金句，袋錢入熊仔頭袋。 — 森美大講人生金句，袋錢入熊仔頭袋。（圖片來源：YouTube@FHProductionHK影片截圖）

森美估中熊仔頭情緒爆煲

森林第一次見熊仔頭真身，竟以麻甩佬來形容他，在對話中更發現熊仔頭情緒有問題，指他極有可能會有抑鬱症，而熊仔頭開門見山對森美說這一集是「熊館」尾二一集，因為他將會大休息，森美不敢相信自己估中熊仔頭真的爆廠，並以過來人身份分享他患抑鬱症的經歷，仲反客為主訪問返熊仔頭。森美說：「容易抑鬱嘅人係最記得自己做錯嘅嘢，會忘記晒自己好嘅事！……你要睇醫生喇！我有食藥……唔斷尾㗎！我覺得醫生講得幾好，你由冇事變有事用咗5、6年，咁你變番好要5、6年就緊㗎啦！」

森美森美唔介意重提自己曾患抑鬱症。 — 森美唔介意重提自己曾患抑鬱症。（圖片來源：YouTube@FHProductionHK影片截圖）

森美森美突然話覺得熊仔頭有機會患抑鬱症。 — 森美突然話覺得熊仔頭有機會患抑鬱症。（圖片來源：YouTube@FHProductionHK影片截圖）

森美熊仔頭對森美承認自己因情緒爆廠而要大休息。 — 熊仔頭對森美承認自己因情緒爆廠而要大休息。（圖片來源：YouTube@FHProductionHK影片截圖）

森美森美開口中，猛問熊仔頭點解會爆廠。1 — 森美開口中，猛問熊仔頭點解會爆廠。（圖片來源：YouTube@FHProductionHK影片截圖）

森美由受訪者變主持

森美重提自己當時的感受：「抑鬱嘅時候無論你做咩都覺得唔快樂，實際上係你開心，做咩都開心……如果嗰件事大家都覺得好差，而你都感覺到嗰樣嘢係好嘅時候，你就係最好運嘅時候。」最後森美語重心長同熊仔頭講：「我希望你做番自己，唔好放棄自己嘅創作，你欠咗呢個社會，你欠咗你嘅followers，佢哋嘅精神食糧喺你度。」森美的一番說話感動了不少網民，有不少人在討論區表示支持熊仔頭，祝佢早日康復。