全民造星V｜香港海選開鑼！陳蕾On仔做導師先驗參賽者腹肌
《全民造星V》今展開香港區海選
今年舉行的《全民造星V》因MIRROR演唱會慘劇而被押後舉行，預計將於明年上半年播出，MIRROR正、副隊長Lokman（楊樂文）及AK（江𤒹生）在本月初已飛抵加拿大溫哥華揀蟀，此外ERROR正、副隊長肥仔（梁業）和Dee哥（何啟華）也會親赴馬來西亞吉隆坡，為參賽者進行面試。
今屆《全民造星V》增設溫哥華及吉隆坡兩個海外面試地點，走入當地電視台、製作公司、音樂學校及表演場地等不同地方，發掘有潛質參賽者，進行面試和初選，而香港區海選則由今日（12月15日）展開。
四大導師：陳蕾、馮允謙、陳健安、韋羅莎
上兩季比賽都是分成兩組各有一位導師帶領，而今次《全民造星V》公布將有四位導師，包括歌手「豹哥」陳蕾（Panther）、歌手馮允謙（Jay Fung）、歌手陳健安（On仔）及舞台劇演員韋羅莎（Rosa），將會分成A、B兩組，A組導師為陳蕾、On仔，B組導師為韋羅莎、馮允謙(Jay Fung)。
On仔問花姐攞貼士
On仔因曾任《造星》評審，而當時感情似做導師，所以當收到邀請時，感覺興奮，他說：「上次同花姐開大會，唔係淨係睇學員，係睇埋導師成長，花姐係咁問『你可以有幾坦誠先？你有幾冇偶包先？』我返屋企就開始緊張、諗好多唔同嘢。」On仔表示曾問花姐有沒有指引，花姐表示不一定組男團，選擇權全在導師手上。他想好似朋友般陪伴参加者，做到亦師亦友：「覺得係好大挑戰，節目長達3至4個月，對住班未來樂壇種子，好大責任。」
陳蕾要參賽者騷腹肌
陳蕾表示日前在工作中遇上Collar成員Gao，對方因為知道導師一職比學員更辛苦，所以安慰她要加油。4位導師今早進行面試，陳蕾被馮允謙踢爆要參賽者騷腹肌，為此她表示對腹肌冇興趣，因為張相係赤裸上半身，咁都要睇睇有無執相，擔心被詐騙！陳蕾又透露其中一位參賽者目標是做搞笑藝人，雖然對方唔算靚仔，而且有少少肥，但卻十分期待對方能否以幽默融化自己，並強調自己注重內涵。如果幽默感強係勁加分。
陳蕾爆參賽者有MC影子
陳蕾與On仔同樣注重參賽者才華外，更着重人品，不囂張會加分，問到可會做惡導師？她說：「覺得自己太善良，畀分較其他人高2級，要收緊啲。」On仔表示開始見到乞人憎會講「麻麻哋」，現在會講「呢個唔得」，問怕唔怕整喊人？On仔笑言「喊控制唔到」。問陳蕾揀人標準會否參考師弟、《造星2》亞軍張天賦（MC）？她笑說：「標準太高，好大壓力喎！不過見到個有少少MC影子。」On仔爆好多人選唱《記憶棉》，及有好多混血兒，直認會睇外型，他大爆有參賽者面試用半裸照，初時擔心照騙：「又冇叫佢除衫，但有叫佢拉高件衫睇腹肌，證實吓！」
馮允謙:擔心自己會爆
馮允謙表示今早見過幾位參賽者，都幾鍾意，他與Rosa都表示現時好初步，不能貪心個個都留低，Jay對其中一個全能參賽者印象深刻，讚靚仔、肯除衫又唱《記憶棉》，笑言問他點解唔唱《反對無效》？首歌由他寫所以一定加分。馮允謙當年辭工來港參賽，若參賽者抱玩票心態，就不尊重比賽，期待分享自己這10年的經驗。一向予人文質彬彬的馮允謙，也不想太惡對學員，但自認要求高，也擔心自己無耐性，擔心自己會爆。Rosa笑言相信馮允謙發惡就好大件事，她也識發惡，但會控制到。
網民：期待Do姐做一兩集評判
對於今次的評判名單，網民紛紛表示好期待，又大讚今次導師人選好有新鮮感，有網民就提議：「唔知do姐有冇機會可以上去一兩集做評判玩下，感覺do姐俾嘅評語會好正」，更有網民表示第一屆《全民造星》也試過有多達10位導師，因此相信人多會更正！
盤點1-4季導師陣容
第1季導師
劉美君、火火、Eric Kwok、卓韻芝
第3季導師
林二汶、梁祖堯、彭秀慧
第4季導師
第1至4輪：許廷鏗、鄧小巧、朱栢謙、梁祖堯
第5輪(25強進20強)：ERROR成員肥仔、Dee哥、MIRROR成員Anson Kong、Lokman、Jer
