美麗戰場｜蔣家旻重提與朱敏瀚情史未算爆原來緋聞前任仲有鍾培生⋯⋯

《美麗戰場》蔣家旻被逼認愛朱敏瀚

蔣家旻在訪問中提及與朱敏瀚的戀情，她指二人因合作拍攝《點解阿Sir係阿Sir》而在2012年撻著，當時她已不再戀愛大過天，而是將事業放在首位，所以只想和朱敏瀚玩「地下情」：「但真是唔好彩，喺銅鑼灣撞到採訪其他活動嘅傳媒朋友，見到我哋拖手。但認咗之後，我反而對感情冇安全感，會諗將來萬一分手，又要交代係好煩。兩年後我哋分手，係因大家步伐不一致，嗰時我又拍電影又拍《愛‧回家》比較忙，係工作機會同時間影響咗大家嘅感情。」

美麗戰場蔣家旻與朱敏瀚曾一同在2011年播出的劇集《點解阿Sir係阿Sir》中扮演學生角色。 — 蔣家旻與朱敏瀚曾一同在2011年播出的劇集《點解阿Sir係阿Sir》中扮演學生角色。（圖片來源：新傳媒照片庫）

美麗戰場 2020年，蔣家旻與朱敏瀚分別獲得飛躍進步男、女藝員獎，2021年，朱敏瀚更憑《換命真相》奪得最佳男配角獎。 — 2020年，蔣家旻與朱敏瀚分別獲得飛躍進步男、女藝員獎，2021年，朱敏瀚更憑《換命真相》奪得最佳男配角獎。（圖片來源：TVB《萬千星輝頒獎典禮2020》截圖）

美麗戰場在《換命真相》中，蔣家旻曾與前男友朱敏瀚演情侶，二人均表示不感尷尬﹗ — 在《換命真相》中，蔣家旻曾與前男友朱敏瀚演情侶，二人均表示不感尷尬﹗（圖片來源：IG@chiangel1110）

緋聞對象多蔣家旻最愧對敖嘉年

蔣家旻又提及之後與羅天宇、麥秋成及敖嘉年的緋聞，她指全屬「流料」，但因為同敖嘉年的緋聞，令對方被逼公開已離婚的私隱，令她最感愧疚。她又透露2019年拍《反黑路人甲》時，她剛跟一個圈外男友分手，之後單身至今已有3年，她表示日後只會選擇跟圈外人拍拖，事關壓力較少，也不易因拍攝而產生妒忌和呷醋。

美麗戰場敖嘉年敖嘉年和蔣家旻前年在《欺詐劇團》合作 — 敖嘉年和蔣家旻2020年在《欺詐劇團》合作時傳出婚外情，有指女方出入男方住所並過夜，敖嘉年因此向傳媒透露和太太已離婚三年多，並指好多圈內朋友都知道，他指今次公開離婚消息是經同前妻同意，並指二人是和平分手，並否認和蔣家旻拍拖。（圖片來源：FB＠蔣家旻）

除了圈中人外，蔣家旻近年又先後同網台DJ兼開有製作公司的Martin拍拖，分手後又緊接同搞婚禮統籌公司的老闆Nic相戀，不過戀情冇個長過兩年。

美麗戰場早年合作處境劇《愛・回家》飾演兩兄妹的羅天宇與蔣家旻，被指日久生情曾被影到行街拍拖，不過二人都例牌否認。 — 除咗入行第一個圈中男友朱敏瀚，蔣家旻又曾與在《愛·回家》做其阿哥的羅天宇傳緋聞，2019年5月，蔣家旻到日本短期留學，又在當地遇到羅天宇，被指再續前緣！（圖片來源：新傳媒照片庫）

蔣家旻曾與麥秋成斷正夜會都拒認戀情

2019年中，蔣家旻透過學舞結識排舞師麥秋成，好快已打得火熱，教舞成為媾女撒手鐧的麥秋成，不足3個月已將細10年的蔣家旻馴服得貼貼服服，當時兩人更曾被本刊斷正夜會，一齊返屋企過夜，不過男方從未肯放棄整個森林，以事業為由𠱁掂蔣家旻密冚戀情。

美麗戰場雖然年齡相差十年，睇落又大纜都扯唔埋，不過蔣家旻同麥秋成卻因學舞撻著，女方不時在排舞室打躉，𥄫實男友唔畀其他女埋身。 — 雖然年齡相差十年，睇落又大纜都扯唔埋，不過蔣家旻同麥秋成卻因學舞撻著，女方不時在排舞室打躉，𥄫實男友唔畀其他女埋身。（圖片來源：IG@chiangel1110）

美麗戰場蔣家旻為瘟仔唔介意做望「夫」石，去年被本刊記者影到山長水遠由將軍澳電視城駕車入大圍咖啡店坐埋一邊玩電腦，等足三個鐘接麥秋成收工，之後返回麥秋成位於西貢的村屋寓所過夜。 — 蔣家旻為瘟仔唔介意做望「夫」石，2019年曾被本刊記者影到山長水遠由將軍澳電視城駕車入大圍咖啡店坐埋一邊玩電腦，等足三個鐘接麥秋成收工，之後返回麥秋成位於西貢的村屋寓所過夜。（圖片來源：新傳媒照片庫）

蔣家旻曾被指背麥秋生暗媾鍾培生

數來數去，蔣家旻似乎數漏了鍾培生，有傳蔣家旻在2020年中，曾背住當時男友麥秋成暗媾富三代鍾培生，仲多番主動出擊，當年男方曾包場睇日本動畫《鬼滅之刃》，蔣家旻就黐實睇戲儼如女主人。不過鍾培生與圈中不少花旦姐仔都有往來，據知蔣家旻絕對不是她的心儀目標，因此只係神女有心、襄王無夢。

當時有知情人指：「Angel 知道鍾培生係富三代家住淺水灣獨立屋已經心心眼！當時 Angel 話自己個 IG俾人 hack咗，主動搵 Derek幫手，不過 Derek就一頭霧水，唔明點解 Angel要搵佢，可能佢以為係男人都係兵啩！知道 Derek包戲院睇戲，佢又話好鍾意套戲，叫 Derek預埋佢，去到現場仲扮晒女主人招呼朋友，姣仔姣到出晒面！」