張惠雅Regen匿公廁做檢測被圍插長文自辯：有返啲同理心，隨時你下個中招﹗

張惠雅Regen公布：我確診了

張惠雅Regen在IG公布「我確診了」，並指其經營的長洲西灣餐廳會關門至她康復為止﹗她指自己周身骨痛、鼻水、發燒及喉嚨痛，但因為西灣大雨她決定返回東涌老家，雖然有以上病徵，但以為淋雨及大風吹親，加上長期宅在老家的睡房，家人都沒有出現病徵，她一直唔認為自己會中Omicron ﹗

張惠雅前HotCha成員張惠雅Regen公布自己中招﹗ — 前HotCha成員張惠雅Regen公布自己中招﹗（圖片來源：IG＠regenc）

公廁做快速測試呈陽性驚到唔敢聽電話

直至22日起身，張惠雅喉嚨痛明顯嚴重了，探熱時有35度，Regen表示因為要出外提取一些物品加上想返回西灣，所以想回去前先做檢測。張惠雅指由於在公廁進行，整個過程小心翼翼，不停消毒雙手，她形容自己好似通緝犯一樣，快速測試結果呈陽性，張惠雅指當時不知所措，不敢接家人電話，因為唔想將自己確診消息讓公廁內嘅人聽到﹗她形容當時狠狽、眼神又閃縮，心情好矛盾，因為返老家又怕傳染家人，但返西灣又要再經歷橫風橫雨，無助到極點﹗最後得到家人批准返老家，Regen決定困房中唔沖涼，直至測試呈陰性為止﹗

張惠雅張惠雅在公廁進行快速測試呈陽性﹗ — 張惠雅在公廁進行快速測試結果呈陽性﹗（圖片來源：IG＠regenc）

張惠雅張惠雅透露因為近日西灣橫風橫雨，加上有感冒病徵所以返了東涌老家﹗ — 張惠雅透露因為近日西灣橫風橫雨，加上有感冒病徵所以返了東涌老家﹗（圖片來源：IG＠regenc）

Regen張惠雅同時公布自己曾到訪過的地方，包括進行快速測試的商場公廁，隨即引起很大恐慌，不少網民留言追問她在公廁測試的確實時間，Regen其後在IG即時動態指自己22日約下午兩時到過商場二樓廁所﹗不少圈中好友送上慰問及祝福，之前公布確診的C AllStar成員On仔都有跟她分享﹗

張惠雅 Regen在長洲西灣開設餐廳，集廚師、侍應、清潔、打雜於一身。 — Regen在長洲西灣開設餐廳，集廚師、侍應、清潔、打雜於一身。（圖片來源：IG＠regenc）

張惠雅：個病真係唔係好得人驚

張惠雅在家居隔離養病中，但繼續被網民圍攻無公德心無常識，質疑她有病還周圍走﹗Regen指大家都被政府玩死，竟會去話唔舒服嘅人點解會四圍去，她首先解釋「我都盡咗自己能力㗎喇」、「個病真係唔係好得人驚唔係話好辛苦」。然後指自己在長洲西灣發現有感冒病徵時，一直困在一間沒有廁所及廚房的房仔，每次去廁所都要淋雨出去，為免出出入入連水都少飲，這正正是香港最凍幾天﹗Regen話「我覺得真係好強悍意志力非常驚人，我嘅意志力係贏咗Omicron」

張惠雅 Regen話中咗Omicron其實唔係想像中咁恐怖，請大家冷靜﹗ — Regen話中咗Omicron其實唔係想像中咁恐怖，請大家冷靜﹗（圖片來源：IG＠regenc）

張惠雅：我都唔建議喺公廁內做檢測

張惠雅指因為西灣環境關係，所以想返老家，但之前她想先做快速測試去保護家人、以策安全，所以才買了快速測試包在公廁內做「我都唔建議喺廁所檢測，一來好狼狽二來自己無徹底消毒個空間都可能會因為咁中咗」，張惠雅又指自己做足流動檢測的程序，請大家畀「你哋有返啲同理心啦，隨時你下個中㗎喇，同埋廁所自己撩鼻，我肯定自己做足過流動檢測嘅程序。」

張惠雅長文解釋為何在公廁做檢測﹗ — 長文解釋為何在公廁做檢測﹗（圖片來源：IG＠regenc）

張惠雅 Regen請大家要理智﹗ — Regen請大家要理智﹗（圖片來源：IG＠regenc）

張惠雅冷靜過後：中Omicron係遲早嘅事

Regen又分享自己的健康情況，她指自己沒有打針，感覺似「傷風感冒」，直言「中Omicron係遲早嘅事」，又分享自己狂食生果補充維他命，同時食退燒藥後「喉嚨痛冇咁痛，冇鼻水，續續幾聲咳幾篤痰」，她指收到不少識同唔識的人inbox指自己中招，呼籲大家「做定好心理準備， Omicron已經喺你附近，增強抵抗力去打呢場仗」。