戀講嘢｜46歲杜如風自爆曾與偶像藝人拍拖匿車尾箱避狗仔隊

Q: 杜如風因何被冠以「世界級港女」之名？

杜如風8年前因一個節目而被冠以「世界級港女」之名，從此令男伴卻步，為此 她要作出大平反⋯⋯按此看詳情 。

Q: 杜如風唔使養家？

杜如風曾接受訪照表示從來唔使養家，並揚言：「 阿媽話養我過世 」

杜如風19歲被求婚自揭威水情史

先後畢業於加拿大麥馬士達大學及東京御茶水女子大學的杜如風，透露年輕時曾有三位追求者開名車到她上班的地方接她下班，杜如風笑言當時因為未揀定所以沒有上任何一架車，佢話：「我閃咗去截的士走﹗」杜如風又透露有前度為她包下中菜館共享晚飯。她更承認曾多次被求婚，最早一次是19歲時認識的初戀情人，杜如風指當時在加拿大讀書，自己19歲，男友18歲在雪地向她求婚，當然沒有答應，但情史有夠威水。

杜如風戀講嘢拍拖 — 杜如風爆後生時追求者眾，當中不乏有錢仔，明星都有﹗（圖片來源：《戀講嘢《截圖）

受「世界級港女」綽號拖累杜如風8年無拖拍

不過當主持問到杜如風現在感情狀況時，杜如風表示自從被封為「世界級港女」後便再無追求者，有8年沒有交到男朋友。她在節目中為自己平反，坦言自己從來不用男友的錢，住屋或旅行都是AA制，甚至送厚禮送給男友。

杜如風：阿媽唔想我結婚，驚被人分身家﹗

杜如風指從來冇帶男友返屋企拜年，因為媽媽唔批准，又指媽媽只想她識個醫生或律師男友，偏偏杜如風講心唔講金，只要男友靚仔有才華不需要有錢，被問到家人有否催婚？杜如風話：「冇﹗我阿媽直程唔想我結婚，佢話小心結咗婚被人分身家﹗」

杜如風放低本《搞定男人》的書。（圖片來源：《戀講嘢《截圖）

被封鮮肉殺手獨愛玩姊弟戀

杜如風又透露大部分前度都比她年輕，最大差距試過八年，她說：「我廿幾歲，個男仔十幾歲﹗」被主持問唔怕男友未定性？杜如風秒答：「我都未定性啫﹗同鮮肉一齊開心啲，冇咁多包袱﹗」被主持封為鮮肉殺手﹗

杜如風2007年為無綫生活台拍攝《流行東京》而人氣急升。（圖片來源：《風行東京》）

杜如風回應身型變化

對於身形嘅繳變化，杜如風曾經話過自己「唔介意被批評」，仲話自己媲美楊貴妃，一笑置之。

亦有傳杜如風早前暴肥，係因為食咗甲狀腺嘅藥物，其副作用令她身形暴漲。

其實睇返杜如風以前啲舊相，樣子都真係唔差㗎，幾可愛，學生年代嘅佢都好清純！

而在2018年旅遊節目《昇龍道攻略》中，杜如風為了證明自己瘦咗好多，仲特意喺介紹「水饅頭」時，擺晒pose露出肩膊同鎖骨。

瘦咗好多！！

睇返2016年拍攝《東京攻略の新年番外篇》時嘅杜如風，佢又真係認真瘦返好多，當時面漲卜卜，塊面圓到呢，當時加大碼嘅身型而家都瘦返唔少喇！

在2016年《東京攻略の新年番外篇》穿著和服，仲俾人笑似架坦克車…

2016年，杜如風當時為電飯煲賣廣告，當時比較圓潤的身材，又被網民笑咗一段時間！

非一般港女！杜如風學生年代威水史

話說當年杜Sir從前經常行船去日本，因此學識日語，回港後做過翻譯日本娛樂資訊的工作。杜如風在旁耳濡目下亦學識日語。

佢後來在加拿大讀大學，參加過當地的日語演講比賽，仲拿咗全國冠軍！此外又考取日本文部省獎學金，獲註加拿大駐日本大使的夫人賞識，推薦佢畢業後去東京御茶之水女子大學修讀日本文學。要知道呢一間係非常難入的名校，唔少日本的傑出女性都係畢業於此。

杜如風讀完書回港，杜Sir並無利用自己的人脈將女兒捧成大明星，反而介紹佢去英皇電影做日本電影字幕繙譯及編劇學徒，由低做起，之後一步步踏上成名路。所以話杜如風並不完全係「成功靠父幹」，本身都真係叻女嚟！

杜如風世界級金句錄

「世界級港女」杜如風呢個稱號點嚟？之前《流行首爾》一出成為全城熱話，勁多人話佢一味晒自己幾有米有幾多名牌，反而實用嘅旅遊資訊就無乜。加上佢勁浮誇嘅說話方式同動作，真係勁多人想打爆部電視！

不過你有你鬧，佢有佢繼續我行我素，而且老老實實，旅遊節目一向深受歡迎，好多人邊鬧邊睇。所以大台食過翻尋味，之後再搵杜如風拍十集《東京攻略》，介紹東京吃喝玩樂好去處，鑑於上次《流行首爾》中表現俾人插到飛起，今次似乎刻意收起港女本色，講嘢明顯正經咗，順耳咗！《新地網》為大家精選杜如風過往喺節目上講過嘅金句，其中有晒命又有自嘲亦有文釆，等大家好好回味一番。