黃心穎新劇扮女僕又做PTGF 倉底遺作《堅離地愛堅離地》出土

撰文、圖片：《堅離地愛堅離地》截圖、東方新地

黃心穎新劇神預言 胡楓：別做見不得光的事

黃心穎在無線拍攝的最後一部作品《堅離地愛堅離地》終於播映，劇集於2017年進行拍攝，當中一節黃心穎飾演的角色，被其外公（胡楓飾）提點「別做不見得光的事」。「不聽老人言，吃虧在眼前」，形容黃心穎現況，相信非常貼切。

黃心穎扮女僕又做PTGF 與謝東閔丁子郎有感情線

個個都話香港觀眾有樣好，夠善忘，19年尾無綫將《牛下女高音》、《丫鬟大聯盟》逐套解封試水溫，夾好時間，黃心穎都同期喊住回港，兼夾領養唐狗博洗底，一年過去，黃心穎去到邊仍然是吸嬲嬲磁石，最近亦頻頻傳將於短期內與無綫正式解約，而其最後作品《堅離地愛堅離地》安排於周一（12月28日）重見天日，timing夾得啱啱好！在劇中，黃心穎孖裕美等扮女僕，唔知觀眾buy唔buy！

龔嘉欣、張振朗首擔男女主角之作

其實又唔使下下將焦點放喺安心女主角身上嘅，17年拍攝嘅時裝愛情科幻喜劇《堅離地愛堅離地》實情張振朗、陳智燊、龔嘉欣同劉佩玥至係男女主角，龔嘉欣同張振朗更加係第一次擔正女一男一。劇中靚仔慣嘅張振朗當年瞓晒身做晒功課都係為咗演好IT毒男丁信希一角，邊拍邊話對呢套劇期望好高，本來安排好19年4月播出……你懂的，結果去年尾變咗炮灰海外首播囉，等足一年，終於可以喺翡翠台播出。