Aka嫌大髀多肉拍MV要左遮右遮網民：明明瘦到厭食症咁

Mar 1 2021

廣告

組合Super Girls隊長Aka（趙慧珊）身高1米7，但體重只得104磅，而且小腿纖幼，經常被網友形容為「筷子腳」，更有網友留言指她「太瘦」，需要增肥，但原來Aka對自己體形並不滿意，覺得自己多肉！

撰文、圖片：東方新地

Aka嫌自己大髀多肉新歌MV要左遮右遮

34歲的Aka去年曾說，因為中秋節食太多月餅，以致自己臀部和大腿都明顯長肉：「但呢啲部位好難減，我之前減唔切肥就趕住要拍新歌MV，仲要著住件三角褲泳衣嚟拍，露晒啲大髀肥肉出嚟，要靠導演用鏡頭去遮吓先得！」

Aka提到早前做義工時被狗咬傷嘴唇，她表示傷口現正逐漸癒合，但仍留有輕微疤痕，要待兩至三個月後做激光徹底去疤。

Aka與Super Girls隊友Cheronna（吳嘉熙）同樣在今年單飛出新歌，日前兩人一同出席活動時，一個輕露香肩，一個低胸晒事業線，展現性感一面。

Aka 透露自己最肥時期是在中七時：「當時差唔多有120磅，嗰時每日都會計卡路里，同喺屋企做運動減肥，依家就Keep住104磅。」

Aka 早前首次挑戰著兩件頭泳衣拍攝新歌MV，她直言感覺尷尬︰「從未試過著泳衣拍 MV，仲要第一次咁大膽著三角褲。」

Aka難得在鏡頭前大騷她42吋的白滑長腿，但她嫌棄自己大髀肥肉太多，要諗辦法左遮右遮。

網友留言指她「太瘦」

去片：趙慧珊 Aka Chio [ FEARLESS ] Official MV

關鍵詞

Aka Super Girls