衛詩雅慶祝10萬訂閱罕有小性感 拍廣告晒演技一秒爆喊無難度

衛詩雅即興表演「一秒爆喊」

片段中，Michelle分享當演員嘅經歷及感受，佢話雖然入行多年，但仲未有一個演得最好嘅角色：「我未搵到！因為我覺得每次演完一個角色後，都覺得仲可以好啲。如果要搵一個自己覺得一百分嘅演繹，我覺得係未有。其實我對自己要求好高，我仲搵緊呢個角色，希望有一日可以好肯定咁答到大家係邊個角色。」廣告其中一幕，Michelle竟可一秒爆喊，完全演技大爆發！但原來呢場「戲」劇本係冇嘅，只係導演同Michelle現場即興「演 」！要突然爆喊，Michelle坦言當時腦內一片空白：「我嗰陣時諗唔到任何嘢，因為我哋拍攝嘅時間有啲倉猝，要追日光再去拍一啲片段同相。冇特別諗啲乜嘢劇情，而係運用一啲技巧令自己喊。」