被封「健美女神」連詩雅22吋腰精秘技全靠西柚減腩修身餐單

CentralEditor_OS

Feb 9 2021

廣告

面對百年難得一遇嘅世紀疫情，人人呻冇工開，尤其係娛樂圈一眾藝人收入減少人氣插水，不過都有疫市自強人氣不減反升嘅成功人辦，其中一個就係Shiga連詩雅！

撰文、圖片：東方新地

連詩雅22吋腰精秘技全靠西柚餐單

Shiga呢幾個月化身成為網絡健美女神，教瘦身教減腩示範修身運動分享減肥餐，再加埋加入無綫拍劇、靠《那些我愛過的人》成功入屋吸納埋班電視忠粉，連IG追蹤人數亦倍增，去年九月正式突破五十萬！咁高興，Shiga即刻上載番張騷爆40吋長腿同22吋纖腰嘅泳衣照酬謝吓班粉絲先。

抗疫宅家大半年，食得多郁得少個個呻身材走樣之時，Shiga日日堅持做運動飲食又節制，反而宅出22吋纖腰同馬甲線。

識操所以腰幼腳長但就keep到上圍唔縮水，呢個暑假Shiga愈晒身材愈有自信，亦愈受港女歡迎成為美體新指標。

其實吸粉方式來來去去咪嗰幾樣，如何平凡中見不平凡突圍而出，就要靠恒心同別出心裁囉！好似呢個西柚減肥餐單，實情通過西柚配合不同食物都有超強燃脂效果，主要設計畀需要快速減肥嘅心臟病患者，面世流行咗好多年，早排台星陳喬恩減肥成功都係靠呢個餐單，點解係Shiga個餐單寧寧舍舍跑得出？之唔係shiga連普通一味炒蛋焗魚，都有個人化又實用烹調方式、擺盤又有心思又靚，幫個單調餐單加晒分，抵佢被女性網民封為健美女神啦！

無論順境定逆市，減肥係女人終生事業，因為疫情搞到唱歌工作大減嘅連詩雅就搖身一變成為網絡健美女神，近排仲識用內地大熱小紅書分享減肥餐單，人氣暴升。

西柚餐其實唔係新嘢，不過跟Shiga「教煮」，就算要食足十日西柚餐，都變得又潮又有格調。

冇錯，fit到咁都要繼續減，Shiga近排就喺內地人氣app小紅書上分享西柚減肥餐單，簡單嚟講就係不攝取糖份同碳水化合物，但每餐都要有半個西柚。

原版西柚餐單好籠統，半個西柚加任何肉類可以係一餐，其實唔係個個有煮食經驗知道任何肉類即係咩肉同點煮。跟Shiga一齊煮，份量幾多、煮法同調味即刻變得簡單易明人人跟到！

關鍵詞