楊明炒車被捕新劇《郭家無難事》遭飛走 監制急搵愛將補上配靚湯

撰文、圖片：東方新地

楊明炒車被捕高層顧全大局飛楊明

現年39歲的楊明，在無綫二十一年，近年終於捱出頭被無綫力捧劇接劇，更經常被派演正義警察角色，近日熱播的新劇《迷網》，他扮演正氣凜然的高級督察，不過，上周六（ 8月8日）凌晨零時許，他駕車失事，在馬己仙峽道落山至近玫瑰別墅對開一個彎位，突然失控越過雙白線，撞向防撞欄後，再衝前撞毁一個交通指示牌後鏟上石壆，他的平治座駕車頭亦嚴重損毁。有報道指當時他一身酒氣步履不穩，拒絕即場進行酒精呼氣測試，他表示不適被送往瑪麗醫院，及後涉因「拒絕提供血液樣本」被捕。

楊明獲保釋後返回和女友莊思明同居的莊氏大宅，其後接受無綫《東張西望》的視像訪問，他透露當時正駕車返工作室睇劇本出事，而他口中所提及的劇本，正是原本由他拍湯洛雯擔演，由王心慰監製，將於九月開拍的時裝重頭劇《郭家無難事》，該劇其他演員還有影后鮑起靜及馬德鐘，不過楊明炒車後，無綫辛苦為他打造的正面形象隨時一鋪清袋，無綫高層為怕他拖累新劇，已決定換人。據知情者透露：「Amy姐（王心慰）監製嘅《郭家無難事》下個月就開拍，一班演員亦啱啱攞到劇本，楊明喺套劇入面同靚湯做一對，戲份好重，不過，佢突然被捕惹官非，莫講話形象盡毁影響人氣，九月佢仲要到警署報到，之後又要上庭，好多嘢都係未知數，佢之前醉酒鬧事記錄咁多，如果今次再犯錯，法官都唔知點判！無綫高層為顧全大局，唔想冒險繼續用佢，有乜閃失影響仲大，已經決定飛佢出劇！」

監制急搵愛將補上配靚湯

劇集開拍在即要換人，首要當然是盡快搵人補上拍攝，監製王心慰打盡人情牌，而當年由她監製的《巨輪》，捧紅的兩大主角蕭正楠及陳展鵬，無論外形演技都更勝楊明，更是角色最佳人選。不過煎Pang（陳展鵬）正在趕拍劇集《超能使者》分身不暇，至於蕭正楠，則仍在考慮階段。據無綫一名幕後透露：「阿蕭啱啱先同靚湯合作完《一笑渡凡間》，佢擔心再合作觀眾冇新鮮感，所以都仲考慮緊，而Amy姐亦有考慮搵愛將洪永城、何廣沛補上，不過一切都等阿蕭落實先決定！」

有幾多機會可以重來，屢次犯錯的楊明，真係要好好反省先得！