胡杏兒晒背姚子羚死跟完勝 輸在似大隻女飛魚

文：東方新地 圖：IG

厚切杏兒自暴其短

由大劉劉鑾雄太太甘比（陳凱韻）在社交網貼出一張黑白自拍照開始，在本地名人界明星界齊齊響應全球關注的支持女性權利接龍活動，連日引起大家支持，除了千億新抱徐子淇、黎姿、李嘉欣、周勵淇、馬詩慧等不同女性界別支持。為人母的胡杏兒亦貼相以示支持，一張咬指大側面晒靚相，老公李乘德第一時間讚索，姊妹們都讚靚，不過亦有網民驚訝在社交網見慣產後極速修身的杏兒，上身原來相當壯健，可媲美女飛魚。

攝影師係胡定欣：我仲有珍藏

「胡說八道會」好姊妹姚子羚亦有樣學樣，貼出同一背景同一甫士的黑白相，以響應活動，立即將好姊妹胡杏兒比下去，靚背骨肉均稱，相當吸睛，原來呢兩張都係由胡定欣擔任攝影師，定欣仲留言話擁有二人呢輯相的珍藏，班藝員朋友紛紛留言叫定欣快啲公開，而胡杏兒老公亦留言話姚子羚張相同老婆貼的是同一甫士，好姊妹心靈相通梗係好，不過今次撞到應一應就有比較囉。