細數圈中6對離婚夫婦！最長21年最短只得3年就玩完

撰文、圖片：東方新地

黎明 樂基兒

天王黎明與名模樂基兒年齡相差13歲，當年突然行埋仲秘密結埋婚轟動整個娛樂圈，可惜婚姻維持四年最終因了解而分開，如今各自找到幸福亦前後腳榮升父母。

王菲 李亞鵬

50歲天后王菲一向是性情中人，96年喺事業最高峰時下嫁音樂人竇唯，並生下女兒竇靖童兼入住殘舊胡同，婚姻只維持了三年便離婚。至05年遇到第二春李亞鵬更育有一女李嫣，可惜都係離婚收場，如今兜兜轉轉又與舊愛霆鋒走在一起。

劉愷威 楊冪

進軍內地爆紅仲變埋樣嘅劉愷威，11年拍攝電視劇《如意》時與女主角楊冪戲假情真，更於14年結婚生女。不過四年後聯合發出離婚聲明，女兒小糯米亦留港交畀爺爺劉丹夫婦照顧。

呂慧儀 黃文廸

香港小姐呂慧儀與香港先生黃文廸的結合，在不少人眼中曾經是金童玉女天作之合。可惜結婚八年、在兒子「蟹籽」四歲半時離婚。近年女方被傳與《愛·回家之開心速遞》嘅拍檔張景淳拍拖，不愁寂寞。

龔慈恩 林煒

隨著女兒林愷鈴入行成為最強仙氣星二代，八、九十年代的當家花旦龔慈恩婚姻狀況亦再受關注，媽媽帶著一對兒女在香港卻不見台籍爸爸林煒在身邊，19年終於承認夫妻聚少離多兩年前已經協議辦理離婚手續。

趙頌茹 周永恆

離婚對某些極品渣男另一半嚟講，其實係逃出生天曙光初露。外遇打妻大唔透、冇品冇錢惹官非嘅周永恆，14年與趙頌茹擘面三年後正式離婚，離婚後阿Yu靚咗、開心咗、工作多咗更創立自己時裝品牌，養家養女綽綽有餘。